VOV4.Bahnar - Kiơ̆ ƀok Dương Anh Đức, Phŏ Kơ dră vei lăng kon pơ lei plt HCM, đơ̆ng ‘năr 15/9 truh đĭ khei 9, plt HCM oei hơ nơ̆ng bơ̆ jang pơ vang găn tơ pôl kiơ̆ tơ drong tơ chơ̆t 16 păng 16+, ưh kơ jô̆ hăm 1,2 tơ ring đei jĭ da ƀiơ̆ ƀiơ̆ nhen Cần Giờ, Củ Chi, kuơ̆n 7... ‘nŏh jang kiơ̆ tơ drong tơ chơ̆t 16- mă ưh ‘nŏh 15+.

Phŏ Kơ dră vei lăng kon pơ lei plt HCM oei ăn tơ băt, plt HCM oei tơ chĕng hơ len tơ drong iŏk yoa "the dreng", "the jơk" dăh mă trong jang thoi nŏh vă pơm pơ hơi ƀiơ̆ tơ drong pơ vang găn tơ pôl hăm 1,2 khul grŭp sơ đơ̆ng ‘lơ̆ng. Mă lei, dang ei kơ sô̆ bơ ngai ƀet bơ̆ng tơ̆ plt oei tam mă chih akŏm tôm. Kơ lih thoi noh, plt HCM tam mă gơ̆h pơm pơ hơi tơ drong pơ vang găn lơ̆m ‘năr 15/9 păng vă bơ̆ jang kiơ̆ tơ drong hơ găt “sơ đơ̆ng truh dang yơ, pơih ‘măng truh dang noh”.

Dơ̆ng: Tơ blơ̆