VOV4.Bahnar - Pơ gê brei (16/3), tơ̆ Anih tơm vei lăng Công an, Đại tướng Tô Lâm, Kơ dră tơm vei lăng Công an pơm lêh sơng Khul tang măt gĭt kăl kơ Anĭh vei lăng sơ đơ̆ng Liên bang Nga. Đơ̆ng rŏng kơ lêh sơng, ƀok Kơ dră Tô Lâm păng Đại tướng Patrushev Nikolai Platonovich pơ ma đam.

Lơ̆m jơ pơ ma đam, 2 păh tơ ƀôh đon hơ iă găh tơ drong jang tŏk ‘lơ̆ng lơ̆m tơ drong jang hơ doi tôm tơ drong đơ̆ng 2 tĕh đak, roi đunh roi đei yoa, ‘lơ̆ng hơ iă. Ƀok kơ dră Tô Lâm athei 2 păh hơ nơ̆ng tơ lĕch jang ‘lơ̆ng dôm hla ar kĭ pơ kăp, mă loi jĭ tơ drong tơ chơ̆t đơ̆ng Khul kơ dră tĕh đak Liên bang Nga găh jang hơ doi lơ̆m tơ drong vei lăng sơ đơ̆ng tơ drong tơ roi lơ̆m apŭng plenh tĕh păng trong tơ lĕch dôm tơ drong jang hơ doi tơm Việt - Nga lơ̆m tơ drong vei lăng sơ đơ̆ng tơ drong tơ roi lơ̆m apŭng plenh tĕh.

Pơ tôch pơ ma đam, Kơ dră tơm vei lăng Công an Tô Lâm păng Thư ký Anih vei lăng sơ đơ̆ng Liên bang Nga Patrushev Nikolai Platonovich dơ̆ng lăng lêh kĭ pơ kăp Hla ar jang hơ doi đơ̆ng Anĭh tơm vei lăng Công an Việt Nam păng Anĭh dăr hơ len Liên bang Nga.

Dơ̆ng: Tơ blơ̆