VOV4.Bahnar -Tơ̆ Hà Nội, yă Bùi Thị Minh Hoài, Bí thư Trung ương Đảng, Kơ dră anih krao hơ vơn kon pơ lei kơ Trung ương Đảng Cộng sản Việt Nam hlôi pơ ma đam trực tuyến hăm ƀok Sinlavong Khutphaythoun, Kơ dră Anih jang Trung ương Mặt trận Lào pơ jing teh đak pơ ma dơ nuh găh tơ drong jang krao hơ vơn kon pơ lei; tơ drong pơ vei jang hơ dai đơ̆ng Anih krao hơ vơn kon pơ lei Trung ương Đảng Cộng sản Việt Nam păng Anih jang Trung ương Mặt trận Lào pơ jing teh đak lơ̆m khei ‘năr âu ki păng drơ̆ng 1 nơ̆r trong vă jang hơ dai tơ̆ hơ năp kơnh. 2 păh hlôi drơ̆ng nơ̆r hơ tŏk loi dơ̆ng pơ trŭt tơ drong jang pơ ma dơ nuh đơ̆ng khŭl mưh jĭ COVID-19 đei vei lăng; hơ nơ̆ng jang hơ dai tơ drong jang tơ roi tơ băt, krao hơ vơn rim răih kon pơ lei, mă loi ‘noh jĭ jơ hnơr mơ lôh 2 teh đak vei răk păng hơ tŏk ‘lơ̆ng tơ drong pơ vei jang tơ bôl tih, tơ goăt tơ goăl gĭt kăl păng jang hơ dai tôm tơ drong đơ̆ng Việt Nam - Lào; iung jang tơ jră plơ̆ nơ̆r pơ ma hơ lĕnh ưh kơ đei tơ pă đơ̆ng rim khŭl ayăt tơ jră phă 2 Đảng, 2 teh đak păng che re tơ drong pơ vei Việt Nam - Lào.

Thuem: Tơ blơ̆