VOV4.Bahnar - ‘Năr 09/11, Kơ dră tơm jang tơ bôl Bùi Thanh Sơn păng Kơ dră tơm jang tơ bôl Australia Marise Payne pơ gơ̆r pơ ma nuh ASEAN - Australia găh drŏ kăn, rơ ngei păng sơ đơ̆ng ‘măng mă 2 kiơ̆ trong trư̆k tuyê̆n păng pơ gơ̆r kơ tă hai. Vang akŏm đei Tổng Thư ký ASEAN Lim Jock Hoi kŭm hăm bơ ngai tang măt ăn dôm tĕh đak ASEAN, bơ ngai tang măt ăn ASEAN păng Australia tơ̆ Hà Nội; dôm bơ ngai hŏk jrŭ đơ̆ng dôm anih tơ chĕng hơ len tơ̆ tơ ring...

Pơ ma ƀât blŭng hop akŏm, Kơ dră tơm jang tơ bôl Bùi Thanh Sơn akhan, tơ drong ‘nâu tôch gĭt kăl vă tŏk tơ iung tơ drong jang găh drŏ kăn, rơ ngei păng sơ đơ̆ng kiơ̆ đơ̆ng jang hơ doi hăm Australia, vă tơ ƀôh hơ dăh hơ năp jang đơ̆ng đe drŏ kăn. Iŏk đơ̆ng Pơ ma nuh ASEAN - Australia ‘măng mă 1găh drŏ kăn, rơ ngei păng sơ đơ̆ng đei pơ gơ̆r lơ̆m khei 4/2018 sơ̆, Australia adrin jang hơ doi hăm ASEAN vă tưk hơ tŏk tơ drong vang jang hơ doi lơ̆m dôm tơ drong ‘nâu.

Dơ̆ng: Tơ blơ̆