VOV4.Bahnar - ‘Măng thi tốt nghiệp THPT sơ năm 2021 đơt 1 hlôi tôch kơ sơ̆ ‘năr 8/7 đơ̆ng rŏng 2 năr thi. ‘Nâu jĭ ‘măng thi tôch gĭt kăl, yoa pơ gơ̆r ƀât mă tơ drong jĭ COVID-19 oei tơ pŏh tôch hơ mơt, lơ tơ ring nhen plt Hồ Chí Minh, Bắc Giang, Bình Dương, Phú Yên, Hà Nội… hơ nơ̆ng đei bơ ngai jĭ ‘nao. Yoa thoi nŏh, 63 tơ ring kơ chăng tơ lĕch lơ trong tang găn, kŭm hăm tơ drong vang jang tôch pơ nĕh đơ̆ng dôm khul grŭp, pơ jing đei tơ drong ‘lơ̆ng hlŏh ăn hŏk tro năm thi.

Chơt hơ iă yoa lơ hŏk tro gơ̆h pơm ƀai thi ngăl

Tơ drong pơ gơ̆r thi kŭm đei 1,2 tơ drong ưh hơ iă ƀơm truh tơ drong jĭ ‘nŏh kŭm jing tơ drong kăl vă dôm tơ ring chih răk mưh pơ gơ̆r ‘măng thi tốt nghiệp đơt đơ̆ng rŏng dơ̆ng. Pơ tôch 2 năr thi, oei đei hlŏh 23 rơ bâu ‘nu hŏk tro tơ̆ dôm dêh char, plt ưh gơ̆h đei năm thi yoa đơ̆ng jĭ COVID-19 gô đei năm thi đơt 2 kơnh. Lơ kon pơ lei hơ mĕng, dôm tơ ring gô chih iŏk đei tơ drong kăl vă pơ gơ̆r tơ drong thi đơ̆ng rŏng gơ̆h sơ đơ̆ng ‘lơ̆ng ƀiơ̆.

Dơ̆ng: Tơ blơ̆