VOV4.Bahnar - Kơ sơ̆ 28/3, Hop akŏm trư̆k tuyê̆n lơ̆m tĕh đak, tơ chĕng hơ len, hŏk pơ hrăm, hlôh vao Tơ drong tơ chơ̆t Hop akŏm măng mă 13 kơ Đảng hlôi tôch ‘lơ̆ng hơ iă đơ̆ng rŏng 2 năr bơ̆ jang.

Pơ ma pơ tôch hop akŏm, Bí thư Trung ương Đảng, Kơ dră chĕp kơ̆l Ƀan Tuyên giáo Trung ương Nguyễn Trọng Nghĩa pơ ma hơ dăh, hop akŏm ‘măng mă âu đei lơ tơ drong tơ plih ‘nao lơ̆m tơ drong hơ met ming, tơ drong pơ gơ̆r, dôm bơ ngai pơ tho ‘nŏh jĭ dôm bơ ngai chĕp kơ̆l tơm dơ nơm kơ Đảng, tĕh đak, hlôi roi tơ ƀôh tơ drong tơ chơ̆t, tơ gŭm pơm hơ tŏk tơ drong ‘lơ̆ng mưh hŏk pơ hrăm. 

Bí thư Trung ương Đảng, Kơ dră chĕp kơ̆l Ƀan Tuyên giáo Trung ương Nguyễn Trọng Nghĩa ăn tơ băt, hăm hlŏh 7.400 anih pơih pơ dăh tơ̆ anĭh jang, vă jê̆ 1 triu ‘nu đảng viên lơ̆m tĕh đak hlôi đei hŏk, hlôh vao tơ drong tơ chơ̆t, vă akhan, mưh đei 5-6 ‘nu đảng viên ‘nŏh đei 1 ‘nu bơ ngai vang hŏk pơ hrăm lơ̆m ‘măng mă âu, hăm jơ hngâm đon tôch tơ năp.

Dơ̆ng: Tơ blơ̆