VOV4.Bahnar - Kŏng ti Logistics teh đak Lào ‘nao drơ̆ng nơ̆r pơ jao ăn 20% jên tơ mơ̆t jang hơ dai đơ̆ng Khŭl kơ dră  teh đak Lào lơ̆m tơ drong jang pơm tơ nŏk Vũng Áng ăn kơ Kŏng ti hơ tŏk tơ iung tơ nŏk Vũng Áng  Lào-Việt Nam (VDS), kŭm găh iŏk vei lăng đơ̆ng Khŭl kơ dră teh đak Lào. Tơ drong pơ jao 20% ăn kơ Kŏng ti hơ tŏk tơ iung tơ nŏk Vũng Áng Lào-Việt Nam gô pơm tơ drong hiôk pơ trŭt hrĕnh tơ drong tơ lĕch jang pơm hơ met tơ nŏk  Vũng Áng lơ̆m jăl jang 1( 2021- 2023), pơ̆ih să tơ nŏk đak dơ sĭ Vũng Áng 1, 2 păng 3 kiơ̆ drơ̆ng nơ̆r hlôi kĭ đơ̆ng khŭl kơ dră teh đak 2 teh đak Lào- Việt Nam, hơ tŏk loi dơ̆ng tơ drong chơ chuĕn tơ mam tơ̆ tơ nŏk đak dơ sĭ Vũng Áng hăm tơ mam đơ̆ng 3 triệu tấn tŏk 20 triệu tấn lơ̆m sơ năm 2030. Tơ nŏk Vũng Áng đei hơ năp jang gĭt kăl hăm trong jang tơ gŭm đơ̆ng Khŭl kơ dră teh đak Lào, lơ̆m tơ drong gơ̆h bơ̆ jang chơ tơ mam păng hơ tŏk loi dơ̆ng tơ klep tơ ring, hơ tŏk loi dơ̆ng pơ vei tơ bôl, jang hơ dai gĭt kăl đơ̆ng Lào păng Việt Nam

Thuem: Tơ blơ̆