VOV4.Bahnar  – Tơdrong akŏm Pơ ư pơ ang Việt Nam hăm hơnăn “Hơpơi 'moih Việt Nam” 'nao đei pôk hơpăh 9 tơ 'ngla jang, anih jang rơgei kơ xơnăm 2021 tơ̆ Hà Nội ăh pơgê năr 17/11. Tơdrong akŏm Pơ ư pơ ang Việt Nam xơnăm 2021 pôk hơpăh hăm Giáo sư tiến sĩ, thây thuôk nhân dân Huỳnh Thị Phương Liên – bơngai hlôi pơm hơdăh hơnăn Việt Nam lơ̆m la kak apŭng plenh teh găh vaccine jĭ 'ngok Nhâ̆t Bản; bơngai jang kih thuơ̆t unh hơyuh Trương Thái Sơn, kơ Anih Tơm Unh hơyuh plei tơm HCM đei jê̆ 30 tơdrong jang pơyua ăn tơdrong jang unh hơyuh truh kơ tih hlj; um ai bơngai nuih mơng hiơt dơh hơkâu po vă dŏng boăl đơ̆ng Nguyễn Văn Nhã, hnam trưng Đăi hŏk Khoa hŏk, Đăi hŏk Huế... Pơma ăh jơ lêh, Phŏ Kơdră Kuôk hô̆i Nguyễn Khắc Định akhan, dôm bơngai jang, anih jang âu hlôi jing tơdrong tơm pơm hơtŏk đon lăp kăp gĭt ăn tơpôl hăm minh tơdrong hơ pơi 'moih hơtŏk tơ iung, pơjing tơpôl phĭ tơtŏ dơnŏ 'lơ̆ng hloh.

Lan chih păng pơre nơ̆r