VOV4.Bahnar  – Hop akŏm “Pơma đam hơtŏk tơ iung tơring tơrang xơnăm 2021” yuơ Hŏk viê̆n Chĭnh trĭ Kuôk ya pơgơ̆r gô đei pơtơm ăh pơgê âu (13/07). Tơ̆ hop akŏm, rim bơngai tang măt pơma đam dôm tơdrong tơlĕch rơgei vă tơgŭm ăn dôm tơring hơtŏk mŭk drăm – tơpôl. Anih tơroh tơm kơ Hop akŏm noh tơ̆ Hà Nội păng đei pơdjoi hăm dôm dêh char, plei tơm mă Trung ương vei lăng. Pơma đam hơtŏk tơ iung tơring tơrang xơnăm 2021 đei hơnăn “Pơm kiơ̆ tơchơ̆t hơtŏk tơ iung lơ̆m  pơkăp jang xơđơ̆ng khei năr 'nao” gô pơma đam dôm trong hiôk vă hơtŏk tơ iung dôm tơring, akŏm lơ̆m dôm tơdrong hơtŏk kơ tơring, akŏm lơ̆m dôm tơdrong pơkăp jang kiơ̆ trong 'nao păng hơtŏk tơ iung năm hadoi hăm pơ 'lơ̆ng cham char vă găn hloh tơdrong hơbuh hli đơ̆ng pơrang jĭ Covid-19, vă hơtŏk tơ iung pran. Hop akŏm đei 2 'măng pơma đam,pơđăp găh tơdrong tơchơ̆t hơtŏk tơ iung lơ̆m pơkăp jang xơđơ̆ng khei năr 'nao păng dôm trong hiôk hơtŏk pơ 'lơ̆ng cham char vă găn hloh tơnap tap yuơ Covid-19 pơm đei. 

Lan chih păng pơre nơ̆r