VOV4.Bahnar - Jô̆ trŭh 6 jơ pơgê au, năr 6/5, Việt Nam đei dơ̆ng 8 ‘nu bơngai ‘nao tơpŏh jĭ Covid-19 (Bơngai jĭ 3023-3030) tơ̆ Hnam pơgang Nhiệt đới Trung ương hơnĭh mă 2. Lơ lŏh, Việt Nam đei đĭ đăng 1.634 ‘nu bơngai jĭ Covid-19 kơ yuơ tơpŏh lơ̆m tĕh đak, lơ̆m au măt bơngai tơpŏh ‘nao jô̆ đơ̆ng năr 27/4  trŭh dang ei: 64 ‘nu. Jô̆ trŭh 4 jơ kơsơ̆ brei năr 5/5, đei 675.956 ‘nu bơngai ‘nŏh kang ƀô̆, ƀok thây pơgang tŏk bŏk ming hơmet bơngai jĭ Covid-19, rim ƀok thây pơgang bơ̆ jang iŏk pham, khăm hơlen, năm tơchă bơngai đei tơ ƀơ̆p bơngai jĭ, rim bơngai jang lơ̆m rim Khŭl jang tang găn jĭ Covid-19 pơlei pơla, Dơnŏ anĭh chĕp pơgơ̆r tang găn jĭ, rim khŭl kŏng ang, ƀô̆ đô̆i hlôi đei ƀet pơgang vaccine tang găn jĭ Covid-19 ‘măng mă 1 păng mă 2.

Tơblơ̆ nơ̆r: Amazưt