VOV4.Bahnar  – Pơgê âu (27/5), Anih juăt jang Kuôk hô̆i jăl 14 pơgơ̆r 'Măng hop akŏm mă 56. Tơdrong kăp gĭt hloh lơ̆m 'măng hop akŏm âu, noh jing Jơnŭm pơgơ̆r pôk rơih kơ teh đak tơroi pơgia găh tơdrong pôk rơih bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang  2021-2026. Lơ̆m khei năr pơrang jĭ Covid-19 hơbuh hli, tơdrong pôk rơih bơngai jang tang măt ăn Kuôk hô̆i jăl 15 păng jang tang măt ăn Hô̆i đŏng kon pơlei dôm jăl xơnăm 2021-2026 hlôi đei pơgơ̆r keh kong hăm kơsô̆ bơngai năm tăh hla kơdrâ̆m. Hloh 66 trĭu bơngai tăh hla lơ̆m jâ̆p teh đak năm tăh kơphĭu, đei hloh 95%, lơ̆m noh đei jê̆ 32 rơbâu anih pôk rơih đei 100% kon pơlei năm tăh hla. Duh tơ̆ 'măng hop akŏm âu, rim bơngai tang măt tơgop nơ̆r găh tơdrong pơkăp jên mong kơ teh đak xơnăm 2019; Tơroi găh jên hu teh đak xơnăm 2019 păng tơgop nơ̆r găh tơroi đơ̆ng Teh đak găh tơdrong jang mong răk, tơjră huach kư̆ kă xơnăm 2020.

Lan chih păng pơre nơ̆r