VOV4.Bahnar - Năr au, năr 4/1, tơ̆ Hnam Kuô̆k hô̆i, ‘măng mă blŭng Kuô̆k hô̆i pơgơ̆r Hop akŏm hăt hot, lăng hơlen, tơchơ̆t 4 tơdrong kăl ăn hơmet pơ ‘lơ̆ng păng atŏk tơ iung mŭk drăm-tơpôl. ‘Nau jing ‘măng hop akom tim lăh đei, tơbăt hơdăh jơhngơ̆m đon tơplĭh ‘nao iung jang hơdoi hăm khŭl kơdră tĕh đak đơ̆ng Kuô̆k hô̆i jăl XV. Kuô̆k hô̆i gô lăng hơlen, tơchơ̆t 4 tơdrong kăl, lơ̆m au mă kăl Tơdrong vă pơjing Tơchơ̆t găh bơ̆ jang lơ̆m jăl jang, jên hu tơgŭm ăn tơlĕch jang Tơdrong jang ăn hơmet pơ ‘lơ̆ng păng atŏk tơ iung mŭk drăm-tơpôl. Tơdrong tơchơ̆t au tôch gĭt kăl, trŏ lăp hăm yan au. Bơngai tăh hla păng Kon pơlei tôch hơpơi ‘mĕh vă trong bơ̆ jang lơ̆m jăl jang, kon jên hu tơgum ăn tơlĕch jang Tơdrong jang hơmet pơ ‘lơ̆ng păng atŏk tơ iung tơpôl đei Kuô̆k hô̆i tơchơ̆t tơ̆ ‘Măng hop akŏm hăt hot au gô jing trong jang kăl hlŏh păng tơpă hlŏh, tơtom hloh, đei khei ‘năr tơlĕch jang trŏ lăp vă hơmet pơ ‘lơ̆ng păng atŏk tơ iung mŭk drăm, adoi sơđơ̆ng hơmet pơ ‘lơ̆ng rim trong jang mŭk drăm, tơgăl ăn ƀơ̆t măt păng đunh đai tơklep hăm Trong pơ prŏ jang dơ̆ng tơdrong jang mŭk drăm jăl jang 2021 - 2025.

Tơblơ̆ nơ̆r: Amazưt