VOV4.Bahnar - Hơ nơ\ng bơ\ jang tơ\ Czech, Thủ tướng Nguyễn Xuân Phúc păng Thủ tướng Cộng hòa Séc Andrej Babis vang truh Hop ako\m khul te\ch mơ dro Czech-Việt Nam hăm tơ drong vang ako\m đơ\ng dang 50 an^h te\ch mơ dro Việt Nam păng dang 150 an^h te\ch mơ dro Czech. {ar ‘nu [ok kơ dră pơ ma hơ dăh, Khul kơ dră 2 te\h đak pơ kăp pơ jing rim tơ drong ‘lơ\ng ăn an^h te\ch mơ dro 2 te\h đak chă trong jang hơ doi đei yoa ‘lơ\ng.

Lơ\m hop ako\m, 2 Thủ tướng dơ\ng lăng lêh k^ pơ kăp 1,2 hla ar jang hơ doi đơ\ng an^h te\ch mơ dro kơ 2 te\h đak, lơ\m no\h đei hla ar tơ băt jang hơ doi găh pơih trong gre păr păr tơ păt đơ\ng Việt Nam păng Czech; hla ar jang hơ doi đơ\ng dêh char Hà Tĩnh hăm Công ty Danvit Express găh tơ drong pơm unh điên kial đei kơ jă 200 triu USD. Thủ tướng Nguyễn Xuân Phúc akhan, tơ drong pơih trong gre păr păr tơ păt kơ plăh 2 te\h đak gô pơm ăn tơ drong jang hơ doi găh bơ\ jang, chă tơ mang lăng, tơ mât jên jang đơ\ng 2 te\h đak roi hiôk hian [iơ\.

Dơ\ng: Tơ blơ\