VOV4.Bahnar - Dêh char Kon Tum đei trong xơlam teh ataih hloh 292 km tơkuh hăm 2 teh đak boăl Lào păng Campuchia. Lơ\m dôm xơnăm kơ âu, khul linh vei xơlam teh Kon Tum hlôi jang atu\m hăm jơnu\m pơgơ\r tơring 13 xăh lơ\m 4 apu\ng xơlam teh kơ dêh char tơle\ch jang đei jơnei lơ tơdrong jang tơgu\m kon pơlei hơto\k mu\k drăm tơpôl. Atu\m hăm noh jang tơnăp tơdrong hơvơn pơtho kon pơlei vang vei lăng trong xơlam teh, jrăng xơlam vă pơjing anih dơ\ng lơ\m tơpôl kon pơlei kơjăp kơtang.

Yak ăh xơnăm ‘nao 2021, unh hnam A Thá păng Y Éo tơ\ pơlei Pêng Lang, xăh xơlam teh Đăk Blô, apu\ng Đăk Glei tơkuh hăm teh đak boăl Lào hlôi hơto\k jang xa klaih đơ\ng unh hnam hin dơnuh. Pơmai Y Éo chơt hơ iă, noh yuơ gơnơm tih tên tơdrong tơgu\m đơ\ng Đăi uy\ Hoàng Văn Hiệp, Kơdră Khul chă hơvơn hơlêm kon pơlei atu\m hăm kang [o# linh tơ\ Anih linh vei xơlam teh Đăk Blô hlôi tơguăt hăm unh hnam, tơgu\m dăp đon dăp bơnôh pơtho găh trong hơto\k mu\k drăm, vei rong kon hơ ioh ho\k pơhrăm: “Anih linh vei xơlam teh Đăk Blô, kang [o# Kơđông linh noh met Hiệp pơtho ăn unh hnam băt trong jang hơto\k mu\k drăm. Pơtih nhen pơtăm sâm hroi dăh mă jang [um [lang. Anih linh vei xơlam teh duh tơgu\m ăn bre klo hơkăn rong nhu\ng vă hơto\k mu\k drăm. Unh hnam duh chơt hơ iă tơnăp rong ‘me kon hơ ioh đei ho\k pơhrăm ‘lơ\ng, đei hnam oei kơjăp. Bre klo hơkăn nhi adoi adrin vă hơto\k mu\k drăm kơjă kơtang hloh dơ\ng”.

Pơtoi, jang tơnăp tơchơ\t “3 tơguăt, 4 atu\m”, noh jing: “tơguăt hăm anih linh, tơguăt hăm tơring, tơguăt hăm tơchơ\t tơle\ch” păng “atu\m xo\ng xa, atu\m oei erih, atu\m pơm jang, atu\m pơma nơ\r kon pơlei” hăm kon pơlei, khul linh Anih vei xơlam teh Kon Tum hlôi tơgop kăp g^t lơ\m tơdrong hơto\k mu\k drăm tơpôl tơ\ tơring xơlam teh Kon Tum hơto\k tơ iung. Rim Anih linh vei xơlam teh đei trong xơlam ataih hloh 292km tơkuh hăm 2 teh đak boăl Lào păng Campuchia hlôi axong 67 đảng viên năm ako\m tơ\ 58 chi [o# thôn, pơlei păng je# 300 đảng viên pơgơ\r je# 970 unh hnam pơm jang; 46 kang [o# linh tơgu\m 38 unh hnam bơngai kon kông tơnap tap pơm jang klaih đơ\ng hin dơnuh.

Atu\m hăm noh khul linh Vei xơlam teh hlôi tơle\ch lơ tơdrong jang tơnăp tơgu\m kon pơlei hơto\k mu\k drăm tơpôl nhen: io\k tơgu\m 75 ‘nu ho\k tro kiơ\ Tơchơ\t jang hơto\k hơyak jơ\ng oh truh hnam trưng; io\k 14 ‘nu mon pơm kon rong Anih linh vei xơlam teh; tơgu\m 124 to\ rơmo yo\ng ăn 67 unh hnam hin dơnuh; tơle\ch pơtăm sâm hroi, tơ[ăr... tơgop hơto\k tơdrong erih, hơto\k io\k yua ăn kon pơlei. Tơ\ tơring xơlam teh tơnap hloh dêh char Kon Tum. {ok A Mon, Pho\ kơdră Anih vei lăng kon pơlei xăh Đăk Blô, apu\ng Đăk Glei ăn tơbăt, kang [o# linh Anih vei xơlam teh hơnơ\ng jing anih gơnơm lui ngeh hăm jơnu\m pơgơ\r tơring păng kon pơlei tơ\ tơring: “Anih linh vei Xơlam teh Đăk Blô jang atu\m tơgu\m ăn jơnu\m pơgơ\r tơring pơm jang kiơ\ tơchơ\t tơgu\m kon pơlei hơto\k mu\k drăm, tơpôl, vei xơđơ\ng xơlam teh. Mă kăl noh tơgu\m kon pơlei rong rơmo yo\ng chông kon, mă [ar noh nhu\ng yo\ng, mă 3 noh rong xim. Atu\m hăm noh jang hadoi hăm jơnu\m jang găh đe drăkăn Anih tơm Hà Nội, đe drăkăn dêh char, apu\ng păng xăh pơtăm sâm hroi ăn kon pơlei vei xơđơ\ng tơpôl ch^nh tr^ lơ\m tơring”.

Atu\m hăm tơdrong tơgu\m kon pơlei tơ\ tơring xơlam teh hơto\k mu\k drăm, hơto\k tơdrong erih, rim Anih linh vei Xơlam teh tơ\ Kon Tum duh jang hadoi hăm dôm jăl jang Đảng, jơnu\m pơgơ\r 13 xăh xơlam teh hơto\k pran tơdrong tơroi tơbăt, pơtho khôi luơ\t teh đak ăn tôm kon pơlei. Hơdăh noh găh trong pơkăp jang đơ\ng Đảng, khôi luơ\t teh đak găh xơlam teh; găh tang găn păng tơjră j^ Covid-19; jang atu\m đei jơnei Tơchơ\t 01, năr 9/1/2015 đơ\ng Thủ tướng Teh đak “găh pơgơ\r tôm kon pơlei vang jang vă vei vêr tơdrong pơgơ\r tôm hơgăt teh, xơđơ\ng tơpôl xơlam teh kơ teh đak lơ\m chăl hrei dang ei”. Đăi uy\ Diệp Xuân Hòa, jang ch^nh tr^ lơ\m Anih linh vei xơlam teh Đăk Blô ăn tơbăt: “Lơ\m dôm xơnăm kơ âu, đei lơ unh hnam păng tơ ‘ngla bơngai lơ\m tơring kơ xăh Đăk Blô hlôi atu\m hăm kang [o# linh kơ Anih linh vei xơlam teh k^ pơkăp atu\m vang vei lăng trong xơlam teh. Kiơ\ đơ\ng noh tơgop vei xơđơ\ng tôm trong xơlam teh, jrăng [u\ tơkăng lơ\m Kơđông linh vei hơlen, tơgop vei xơđơ\ng ch^nh tr^, xơđơ\ng tơpôl lơ\m tơring mă Kơđông linh vei hơlen”.

Lơ\m 5 xơnăm kơ âu, hlôi đei 245 khul jang, pơlei pơla; je# 720 unh hnam, hloh 570 tơ ‘ngla tơ\ dôm xăh xơlam teh kơ dêh char Kon Tum kơdih chih măt vang jang vei vêr trong xơlam teh, jrăng xơlam... Đăi tă Lê Minh Chính, Kơdră Anih jang kơ Khul linh vei Xơlam teh dêh char Kon Tum ăn tơbăt, khul vei Xơlam teh Kon Tum hlôi pơjing đei anih dơ\ng pran kơjăp lơ\m tơring xơlam teh: “Anih jang Đảng, Anih pơgơ\r linh vei xơlam teh dêh char hlôi pơgơ\r dôm Kơđông linh jang tơnăp tơdrong tơgu\m pơjing hơmet pơ ‘lơ\ng ch^nh tr^ tơ\ tơring xơlam teh. Dôm jăl jang Đảng, jơnu\m pơgơ\r tơdrong jang, lơ tơdrong tơle\ch jang truh đei pơtruh hăm kon pơlei. Tơdrong erih kon pơlei tơ\ tơring xơlam teh hlôi đei hơto\k hơdăh. Hăm dôm tơdrong jang nhen tơ\ kơpal hlôi tơgop ăn tơdrong hơto\k pơm kơjăp pơjing anih dơ\ng pran kơtang lơ\m tơpôl kon pơlei tơring xơlam teh”.

Hăm dôm tơdrong tơgop đơ\ng khul linh Vei xơlam teh Kon Tum, truh dang ei đei 4 xăh xơlam teh kơ dêh char Kon Tum đei jơnei tôm 19 tơdrong tơchơ\t pơjing tơring pơxe\l ‘nao. 9 xăh oei lăi noh đei jơnei đơ\ng 9 tơdrong tơchơ\t to\k tơ\ kơpal. Atu\m hăm jơnu\m pơgơ\r tơring, kang [o# linh dôm Anih linh vei xơlam teh duh oei hăt hot tơgu\m kon pơlei pơm tơle\ch dôm tơmam drăm kăp g^t OCOP păng tơguăt pơjing trong jang hadoi te\ch răt tơmam choh pơtăm đei. Khul linh vei Xơlam teh  Kon Tum hơnơ\ng xơkơ\t, tơgop hơto\k mu\k drăm tơpôl – joh ayo\, pơjing tơdrong erih ph^ tơto\ dơno\ ‘lơ\ng ăn kon pơlei tơring xơlam teh noh jing tơdrong kăp g^t vă pơtoi hơmet pơ ‘lơ\ng anih dơ\ng xơlam teh pran kơjăp lơ\m tơpôl kon pơlei.

Lan chih păng rapor