VOV4.Bahnar    – Kơmăng ‘năr brei (28-10), tơ\ dêh char Quảng Nam, Pho\ Thủ tướng Trịnh Đình Dũng pơgơ\r tơdrong hop ako\m hăt hot hăm Anih tơm linh Quân khu 5 păng Anih vei lăng kon pơlei dêh char Quảng Nam pơđăp găh trong chơ chă tơgu\m do\ng 53 ‘nu bơngai hiong yuơ hơlih teh tơ\ thôn 1, xăh Trà Leng, apu\ng Nam Trà My, dêh char Quảng Nam. Pho\ Thủ tướng Trịnh Đình Dũng pơkăl pơjing Anih pơgơ\r jang chơ chă tơgu\m do\ng tơ\ apu\ng Nam Trà My. Kơmăng năr 28/10/2020, tơ\ thôn 1 xăh  Trà Leng, apu\ng Nam Trà My, dêh char Quảng Nam hlôi đei hơlih teh klu\ lơ măt kon pơlei. Pho\ Thủ tướng Trịnh Đình Dũng ră hơdăh, Thủ tướng teh đak Nguyễn Xuân Phúc hlôi pơtruh hla bar pơgơ\r jang, athei chơ chă tơgu\m do\ng xar bar, chơ chă dôm bơngai oei erih. Kiơ\ kơ noh, athei tơring păng dôm anih jang ako\m khul jang, kơmăi kơmo\k, tơdrong kăl mă pơkăp “4 tơ\ tơring” tơle\ch pơm kiơ\ pơkăp âu.

Lan chih păng rapor