{ai mă 3: “Pơjing Đảng tơ\ tơring tơ\ dôm tơring khop: Tơdrong hlôh vao păng pơg^t đơ\ng tơring”

          VOV4.Bahnar - 2 [ai adrol hlôi tơroi kơ tơdrong đei jơnei mă blu\ng kơ tơdrong jang kiơ\ pơkăp hơto\k Đảng lơ\m tơring kon pơlei kiơ\ dôm tơdrong khop păng đảng viên kiơ\ dôm tơdrong khop hơku\m khop tơ\ Tây Nguyên. Đơ\ng noh, kơ hre\ng chi bộ ‘nao hlôi đei tơ iung pơjing tơ\ tơring kon pơlei kiơ\ khop. Tơ\ dôm tơring noh, lơ tơdrong jang đei jơnei găh mu\k drăm tơpôl păng vei xơđơ\ng tơpôl hlôi păng to\k bo\k đei iung jing, Mă lei, tơje# hăm dôm tơdrong đei jơnei, tơdrong hlôh vao jang tơnăp hlôi đei băt, tơdrong jang âu duh oei lơ tơhlăk athei hơmet ming. {ai chih mă ano# lơ\m dôm [ai chih tơroi găh tơdrong âu đei hơnăn “Pơjing Đảng tơ\ tơring tơ\ dôm tơring khop: Tơdrong hlôh vao păng pơg^t đơ\ng tơring”

          Jing anih tơm kơ dêh char Kon Tum, plei tơm Kon Tum duh jing  anih tơm kơ tơdrong khop, lơ\m noh đei 62 pơlei kon kông, je# tong ane# măt kon pơlei kiơ\ khop. Truh ăh anglo\ 21, rim pơlei pơla âu tam mă tơplih, mă loe noh rong kon tơrong păng erih xa atu\m hăm kon bơngai. ‘Nhăk kon tơrong le\ch đơ\ng rôm hnam lơ\m khei năr noh jing tơdrong jang hơvơn tơnap tap, păng adro# đei jơnei [ơ\t tôm anih jang ch^nh tr^ kơ plei tơm io\k jang tơnăp, atu\m hăm noh tơdrong drơ\ng jơhngơ\m tơgu\m đơ\ng đơ\ng khul kơdră pơgơ\r tơdrong khop. Dang ei, atu\m hăm tơdrong kơjăp ‘lơ\ng ‘nao kơ tơring kơdra#m, rim pơlei pơla kon kông kiơ\ khop tơ\ plei tơm Kon Tum hlôi tơplih hơdăh, đei xăh hlôi keh đang tơdrong pơkăp pơjing tơring pơxe\l ‘nao păng minh [ar xăh hlôi đei jơnei kiơ\ tơdrong pơkăp. {ok Phan Thanh Minh, Pho\ Bí thư juăt jang kơ anih jang plei tơm Kon Tum ăn tơbăt, vă pơm tơplih thoi âu, anih jang plei tơm lăng pơg^t găh tơdrong hơto\k Đảng, lăng đảng viên păng chi bộ thôn, pơlei jing anih tơm ch^nh tr^ tơ\ tơring. Rim bơngai jang lơ\m anih jang kơ plei tơm Kon Tum, bơngai jang đảng tơ\ rim xăh,  phường đei axong tơdrong jang tơnăp tơ\ tơring, vang ako\m lơ\m dôm chi bộ, hăm dôm tơdrong pơkăl tơle\ch jang tơnăp: Nhôn axong dôm bơngai jang kơtă pơgơ\r dôm chi bộ tơ\ tơring; rim xơnăm io\k tơdrong pơyua đơ\ng pơjing Đảng tơ\ tơring vă xơkơ\t bơngai jang rơgei. Pơkăl đơ\ng Anih juăt jang Đảng plei tơm noh rim khei, rim bơngai jang athei axong jơ vang ako\m pơma dơnuh hăm chi bộ tơ\ tơring kon pơlei oei xa, băt hơdăh dôm tơdrong đei [ôh lơ\m tơring păng pơgơ\r tơnăp dôm tơdrong pơlong jang vă kon pơlei adrin, băt hơdăh đon kơche\ng, tơdrong hơgei lơ\m pơm jang, vă đơ\ng noh dôm chi bộ pơm trong hiôk hơto\k bơngai jang Đảng. Đơ\ng noh, tơgop pơjing chi bộ tơ\ tơring kon pơlei oei xa gơh pran kơtang.

          Duh nhen tơ\ plei tơm Kon Tum, dêh char Kon Tum, apu\ng Đơn Dương jing minh lơ\m dôm tơring ako\m  kon pơlei kiơ\ dôm tơdrong khop lơ hloh dêh char Lâm Đồng. ‘Ngoaih kơ pơkăl xơnong jang hơdăh, khul kang [o# kơpal kơ tơring, jơnu\m jang tơpôl tơ\ apu\ng, xăh adoi băt hơdăh găh tơdrong tơroi tơbăt ăn kon pơlei păng kơdră kơpla pơgơ\r tơdrong khop băt vao păng drơ\ng nơ\r. Hăm dôm chi bộ pran,  anih jang Đảng kơtang tơ\ tơring, Đơn Dương jing apu\ng dơ\ng hơlâu tơ\ Tây Nguyên găh tơdrong pơjing tơring tơrang ‘nao. {ok Trương Văn Bình, Pho\ Bí Thư juăt jang kơ anih jang apu\ng Đơn Dương ăn tơbăt:  Khul jang kơpal tơ\ tơring, dôm đảng viên, adoi athei băt hơdăh trong tơchơ\t jang đơ\ng Đảng găh hơto\k Đảng hăm kon pơlei kiơ\ dôm tơdrong khop, vă kon pơlei băt hơdăh păng adrin mơ\t jang Đảng. Tơje# hăm noh tơg^t hăm dôm tơdrong khop. Yuơ noh mă rim đảng viên đei lui noh đe pơtoi adrin keh đang xơnong jang đei pơjao, tơroi ăn unh hnam păng [ok xoi yă gie\ng tơ\ hnam pơgang băt hơdăh. Yuơ noh mă tơdrong jang hơto\k Đảng dôm xơnăm tơje# âu hiôk hian hloh.

          Mă hlôi đei lơ tơring, hăm tơdrong hlôh vao găh pơjing – hơto\k Đảng lơ\m tơring kon pơlei kiơ\ dôm tơdrong khop, mă lei tơdrong jang âu tơ\ Tây Nguyên duh oei đei lơ tơhlăk. Tam mă tơroi truh tơdrong pơ ‘lơ\ng anih jang Đảng tơ\ tơring, tơdrong tơmơ\t đảng viên ‘nao tơ\ lơ chi bộ dang ei oei pơdơh yuơ ưh kơ đei bơngai. Hơlen găh tơdrong âu, jơnu\m pơgơ\r lơ tơring ăn tơbăt, mă tơdrong ho\k roi năr roi hơto\k, lơ hơdruh tơdăm ho\k đang lăm 12, ho\k đang  cao đẳng, đại học, mă lei athei năm jang tơ\ tơring nai. Kơxo# nai noh ưh kơ [lep nhen pơkăp, rơneh lơ hơ ioh, ưh kơ [lep hăm tơchơ\t tơmơ\t jang Đảng. Yă Tạ Thị Huần, Pho\ [^ thư anih jang Đảng xăh Chư\ Jôr (Gia Lai) akhan: Anih jang Đảng xăh duh adrin tơmơ\t bơngai lui kiơ\ dôm tơdrong khop vă jang Đảng, mă lei khei năr tơje# âu kon hơ ioh ho\k đang le\ch ‘măng khuă noh ưh kơ đei tơdrong jang, athei năm jang tơ\ ataih. Mă nhôn ưh kơ gơh tơmơ\t jang Đảng hăm bơngai oei ataih đơ\ng tơring, noh găh tơdrong jang âu tam mă đei jơnei tơnăp ôh.

          Oei [ok Lê Anh Tuấn, {^ thư anih jang Đảng xăh Ea Ktur (Đak Lak) tơroi: 

-Tơpă noh đe ye\t erih tơnăp, mă lei đei lơ tơdrong tơhlăk. Tơhlăk mă mônh noh đe rơneh lơ kon hơ ioh, tơhlăk tơchơ\t 173, rơneh kon mă 3 noh ưh kơ đei tơgu\m tơmơ\t jang. Mă 2 noh tơdrong ho\k. Tơchơ\t 123 đơ\ng Trung ương noh ưh kơ đei pơkăp găh ho\k pơhrăm dang yơ, mă lei anih jang dêh char noh pơkăp athei ho\k đ^ lăm 12 ‘mơ\i mă gơh.

Tây Nguyên jing tơring ako\merih xa kơ hloh 5 triu minh puơ\t ‘nu bơngai, lơ\m hloh 40 hơdrung hơdre\ch lơ\m ja#p teh đak, jing tơring ako\m lơ tơdrong khop hăm pơhlom 1 triu 800 rơbâu ‘nu bơngai kiơ\ lui, lơ\m noh đei lơ kon pơlei kon kông. Yuơ noh, tơdrong jang pơjing Đảng lơ\m tơring kon pơlei kiơ\ dôm tơdrong khop tơ\ Tây Nguyên roi kăl hloh. Rim Đảng bộ pran, chi bộ kơtang đei pơjing tơ\ dôm tơring âu, gô tơgop xek tơlang tơnăp 2 tơdrong jang găh tơdrong khop păng tơdrong jang kon kông. Đei anih dơnơm jang Đảng tơ\ tơring akhan, kăl pơgơ\r hop ako\m xơkơ\t 12 xơnăm jang kiơ\ pơkăp 123/QĐ-TƯ, kiơ\ đơ\ng noh tơplih, hơmet mă tro\ [lep hăm tơdrong erih. Tơdrong mă noh tơgu\m rim tơring tơ\ Tây Nguyên lăng [ôh tôm tơdrong đei jơnei mă blu\ng păng dôm tơdrong tam mă [lep, tơblang hơdăh tơdrong tơm kơlih đei tơnap păng xek tơlang tơnap tap noh; pơih xă tơdrong jang đei jơnei păng kho\m mă jang đei jơnei ‘nao dơ\ng.

Lan chih păng rapor

Tơdăh ‘meh tơmơ\ng dơ\ng dôm [ai chih mă 1 mă 2 tơroi găh tơdrong âu, mih ma duch kơt^t tơ\ hơla âu:

http://vov4.vov.vn/Bana/ai-chh-toroi-todrong-oei-sa-jang-sa/lo-ai-chh-po-jing-dang-lom-to-ring-dei-lui-tok-lo-anh-ho-dah-to-tay-nguyen-nar-c1396-100910.aspx