VOV4.Bahnar - Pơgê năr 19/4, Kơdră jang lơ̆m Trung ương Đảng, Kơ iĕng Kơdră chĕp pơgơ̆r Đảng dêh char, Kơdră chĕp pơgơ̆r Dơnŏ anĭh vei lăng kon pơlei dêh char Dak Nông Nguyễn Đình Trung pơm tơm jơ pơm lêh tơbăt hơdăh tơdrong tơchơ̆t pôk tơmơ̆t kơchư̆k Chánh Văn phòng Dơnŏ anĭh vei lăng kon pơlei dêh char Dak Nông hăm ƀok Trần Văn Diêu.

Tơ̆ jơ pơm lê̆h, Kơdră chĕp pơgơ̆r Dơnŏ anĭh vei lăng kon pơlei dêh char  Nguyễn Đình Trung hôn bơnê dôm tơdrong tơgop đơ̆ng ƀok Trần Văn Diêu mư̆h yak hlŏh bơ̆ jang lơ kơchư̆k phara dĭh băl, dôm tơdrong jang keh kong tơdrong pơjao. Hăm hơnăp jang păng dôm tơdrong jang đei kơ dĭh, lơ̆m khei năr kơnh, ƀok Trần Văn Diêu kăl hơnơ̆ng hơdrin, iung jang kiơ̆ kơ jăp tơgoăt tơgoăl, iung jang kơtang atŭm hăm Hơnĭh bơ̆ jang ăn Dơnŏ anĭh vei lăng kon pơlei dêh char jang keh đang ‘lơ̆ng tơdrong jang pơjao ăn.

Tơblơ̆ nơ̆r: Amazưt