VOV4.Bahnar - Pơgê năr 12/11, rim hơnih jang tŏk bok ming hơmet pơ ‘lơ̆ng tĕh tơdrŭt hơlĭh jĭh Trong glung 27C, jăl trong krông krang hang nak Khánh Lê, găh lơ̆m apŭng Khánh Vĩnh, dêh char Khánh Hòa lăp đơ̆ng rŏng hơmet keh đang mĭnh păh trong gơmăng năr 11/11.

Hơnĭh jang tŏk bŏk hơdrin hơmet pơ ‘lơ̆ng Troing glung 27

Kơ yuơ đơ̆ng ‘mi đunh năr, Trong glung 27C, jăl trong krông krang hang nak Khánh Lê răm tĕh tơdrŭt hơlĭh 4 hơnĭh. Lơ̆m au, tơ̆ Km41+300, jăl trong yak hlŏh tơring Sơn Thái, apŭng Khánh Vĩnh, dêh char Khánh Hoà tĕh hơlĭh nak man jĭh trong klơp hloi trong, hăm tĕh tơmo klơ̆p trong dang 9000 m3. Hơnĭh vei lăng trong nơnăm 3.3 găh Dơnŏ anĭh vei lăng Trong glung III hơvơn hơnĭh tơmơ̆t jên jang ming man trong krao hơvơn khŭl jang, gre, kmăi kmŏk vă hơmet pơ ‘lơ̆ng pơm ăn trong gơ̆h chă yak dơ̆ng. Rim hơnĭh bơ̆ jang pơkă kon pơlei, tơdăh đei tơdrong kăl lei yak trong au, tơdăh ư̆h lei lê̆ đĕch. ‘Mi kial oei hơnơ̆ng kơnê̆ tơ̆ tơring groi tĕh trong hông hang krang nak Khánh Lê, kơ yuơ lơ lŏh, tơdrong hơmơt tĕh chă tơdrŭt, hơlĭh dang yơ ư̆h kơ tom băt ôh.

Tơblơ̆ nơ̆r: Amazưt