VOV4.Bahnar - Ăh năr 12/3, kon pơlei tơ\ dôm thôn 9, 10 păng 11 xăh Chư\ San, apu\ng M’Drak, dêh char Đăk Lăk, tơring tơle\ch man dơnâu mong pơnơ\ đak 4.400 tih hlj Krông Pách thươ\ng, pơtơm vih truh anih oei ‘nao. ‘Nâu jing tơdrong mă kon pơlei tơ\ tơring io\k man dơnâu mong đak, jơnu\m pơgơ\r tơring dôm jăl kơ dêh char Đăk Lăk adoi hơpơi lơ\m 12 xơnăm kơ âu. Yak hloh lơ tơdrong pơngơ\t, hăm dôm tơdrong tơhlăk tơhl^n, tơdrong jang mă blu\ng đei pơklaih le# bơih tơdrong tơnap tap hloh noh hru\ ‘mong teh tơmăn. ‘Nâu jing hơyak kăp g^t vă tơdrong ming man dơnâu pơnơ\ đak kơ rơbâu tih hlj dăh hrôih keh đang, tơgop hơmet [iơ\ tơdrong tơnap tap găh đak ruih ăn ‘long pơtăm kơ dôm pơlei pơla, duh jing tơdrong kăp g^t hloh kơ minh lơ\m dôm tơdrong man pơnơ\ đak mir na đei Khul kơpal teh đak, Kuôk ho#i k^ pơkăp đei io\k jang tơ\ Tây Nguyên.

Đơ\ng pơgê hrôih, pơđ^ 6 măt bơngai kơ unh hnam [ok  Liều Văn Sùng, tơ\ thôn 9, xăh Chư\ San, apu\ng M’Drak hlôi iung đơ\ng tep, pơtơm hơmet tơmam drăm vă yông năm oei tơ\ anih ‘nao ataih đơ\ng noh hloh 30km, lơ\m xăh Chư\ Elang, apu\ng Ea Kar. Đơ\ng ro\ng hloh 20 xơnăm erih tơ\ âu, [ok Sùng [rơ\k kơ jơhngơ\m [ơ\t jăk đơ\ng anih âu mă lei duh chơt hơ iă yông jăk. Kơlih anih oei ‘nao hlôi đei teh đak hơmet ming tơnăp hăm 1000m² teh bơ\ hnam păng 1ha teh choh jang, oei tơje# dơnâu pơnơ\ đak, hơbong pơchoh đak truh mir na hloi. Anih oei ‘nao tơje# hăm anih jang xăh, unh hơyuh, trong nơnăm, hnam trưng ho\k, hnam pơgang adoi đei axong ming man tôm kơjăp, pơkăp tơgu\m ăn unh hnam [ok Sùng đei minh tơdrong erih ‘lơ\ng hơ iă hloh: “Inh kơche\ng mă thoi yơ duh athei yông, roi jăk hrôih roi ‘lơ\ng vă dăh đei tơdrong erih ‘nao. Oei tơ\ anih xo noh tơnap, ưh kơ ‘meh jang kiơ ôh, ‘năr to# [ruih teh [enh, ‘mi noh trôk tra#p, pơtêng hăm anih oei ‘nao noh erih xa hiôk hloh”

Vă tơgu\m ăn kon pơlei chă yơ yak, pơđ^ 2 apu\ng M’Drak păng Ea Kar adoi pơtruh khul jang kơ hre\ng ‘nu, đei hloi đe dân kuân tư\ ve#, kang [o#, đảng viên, đoan viên hơdruh tơdăm truh tơgu\m kon pơlei.

Gre tih chơ pơdu\ tơmam drăm, hnam oei tơgu\m kon pơlei adoi kơchăng, tơdrong rơ ông rơ ang nhen kơ ‘năr lêh ako\m. Vang chă pơih păng pơdu\ hnam, ‘nho\ng Y Ten Niê, {^ thư đoan hơdruh tơdăm th^ tra#n M’Drak, apu\ng M’Drak ăn tơbăt, đe boăl đoan viên hơdruh tơdăm hlôi axong tơdrong jang, vă vei xơđơ\ng jơhngơ\m pran tơgu\m ăn kon pơlei minh [ar năr: “Tơdrong yông kon pơlei ‘năr âu noh hăt hot tơpă. Đoan viên hơdruh tơdăm păng dôm anih jang hadoi tơnăp chă tơgu\m kon pơlei vă đe ye\t dăh hrôih xơđơ\ng tơdrong erih. Axong kiơ\ khul, ‘năr âu khul âu păng ‘năr đơ\ng ro\ng noh khul nai pơtoi chă tơgu\m noh gô xơđơ\ng jơhngơ\m jăn ăn đe ‘nho\ng oh păng lai yơ duh kơchăng hăm xơnong jang po”

Atu\m hăm anih jăk, tơ\ anih truh oei ‘nao kơso# 1, xăh Chư\ Elang, apu\ng Ea Kar, rim khul jang duh kơchăng chă tơgu\m kon pơlei bơ\ hnam, xơđơ\ng tơdrong erih. {ok Trần Văn Thanh, Kơdră Anih vei lăng kon pơlei xăh Chư\ Elang ăn tơbăt, tơ\ anih oei ‘nao kơ xăh hlôi kơchăng vă 230 unh hnam kon pơlei, 1.150 măt bơngai tơ\ tơring man dơnâu đak Krông Pách thươ\ng truh erih xa. Tơ\ âu, rim tơdrong kăl nhen đak rơgoh, đak choh jang, unh hơyuh, hnam trưng ho\k, hnam pơgang, teh bơ\ hnam păng teh choh jang adoi đei axong tôm tong. Jơnu\m pơgơ\r tơring duh gô adrin kơ ‘nôh vă kon pơlei dăh tenh kuăng juăt hăm anih oei ‘nao: “Tơring duh hlôi chih ako\m trong jang, pơkăp jang hadoi hăm dôm anih jang kơ apu\ng, nhôn hlôi pơjing trong jang atu\m hăm dôm anih jang kơ apu\ng, nhôn hlôi hơmet tôm khul jang duh nhen axong khul jang kơtă chă xơng kon pơlei. Vei xơđơ\ng ăn tơdrong erih xa. Nhôn adrin bơ\ hnam ăn kon pơlei, pơm thoi yơ lơ\m minh [ar năr noh ke\ xơđơ\ng. Đe mon gơh đei năm ho\k noh nhôn pơkăp lơ\m 2 năr”

Vang jang lơ\m khul pơgơ\r tơgu\m kon pơlei yông truh anih oei ‘nao, [ok Nguyễn Đình Thìn, Pho\ Kơdră Jơnu\m vei hơlen tơdrong axong ming man trong nơnăm păng choh jang xa dêh char Đăk Lăk ăn tơbăt, đei hloh 700 unh hnam lơ\m tơring man dơnâu đak Krông Pách thươ\ng noh athei jăk oei tơ\ anih nai vă ‘măn ăn tơdrong ming man kăl. Đơ\ng ro\ng 12 xơnăm, truh dang ei hlôi ke\ jang kiơ\ pơkăp ‘nhăk kon pơlei năm oei tơ\ anih nai vă io\k teh man dơnâu đak jing minh tơdrong hơ iă hloh. Mă lei, tơdrong yông jăk tôm kơso# unh hnam kon pơlei jing tơdrong jang trăp hloh, pơkăl đei tơdrong adrin kơ ‘nôh tih tên đơ\ng dôm jăl pơgơ\r tơring đơ\ng xăh truh dêh char, mă kăl noh athei đei tơdrong hlôh vao, drơ\ng đơ\ng kon pơlei: “Duh vă akhan, tơ\ âu kăl đei tơdrong pơkăp đơ\ng kon pơlei. Găh khul jang noh nhôn vei xơđơ\ng mưh kon pơlei tơnăp, tơdrong yông jăk gô keh đang adrol kơ năr 30/4, adar jat noh ăh năr 30/6. Mă lei, inh duh xơkơ\t kon pơlei jing tơdrong pơkăp tơm. Kon pơlei drơ\ng nơ\r noh đe kơdih tơgu\m, bơngai yông jăk adrol tơgu\m ăn bơngai yông jăk đơ\ng ro\ng, kueng [ôt noh tơgu\m dih băl noh xơnong jang gô hrôih keh đang”

Thoi noh, đơ\ng ro\ng 12 xơnăm gô chang, kon pơlei tơ\ tơring teh io\k man dơnâu mong đak Krông Pách thươ\ng hlôi pơtơm yông jăk truh anih oei ‘nao păng pơkăp găh minh tơdrong erih ‘nao ‘lơ\ng ro\ hloh. Tơdrong pơkăp jang hlôi [ơm adar, pho\ oei đei hloi tơdrong tơhlăk tơhl^n. Kơtă ăh khei 9/2020, duh oei đei tơdrong pơjăh pơjăng tôch kơtang, dôm păh tơpu\ dih băl găh tơdrong jang adar. Mă lei yak hloh đ^ đăng, hăm tơdrong vang jang kơjăp đơ\ng Anih tơm Choh jang xa păng Hơto\k tơring pơxe\l păng dêh char Đăk Lăk atu\m hăm anih jang ch^nh tr^ tơ\ xăh, apu\ng păng mă kăl noh tơdrong tơplih đon kơche\ng đơ\ng kon pơlei, tơdrong ming man dơnâu pơnơ\ đak kơ rơbâu tih hlj âu to\k bo\k đei pơklaih dôm tơdrong tơhlăk tơhl^n. Mưh [ônh hiôk, tơdrong ming man keh đang păng tơmơ\t io\k yua nhen hlôi pơkăp mă Khul kơpal teh đak, Kuôk ho#i tơle\ch hơmet ăh je# đ^ xơnăm 2021.

Lan chih păng rapor