“Pơlei hơdruh tơdăm pơm jang tơ\ xơlam teh Mang Mrai, dêh char Kon Tum đei tơ iung pơjing ăh năr 29/10/2009 đei kxo# jên axong jang hloh 84 tih hlj. Lơ\m noh jên mong kơ Trung ương 19,4 tih hlj; jên mong kơ tơring 7,4 tih hlj oei hloh  57,4 tih hlj noh jên hơvơn đơ\ng dôm anih jang doanh nghiệp păng tơ ‘ngla bngai jang. “nâu jing minh lơ\m 18 pơlei hơdruh tơdăm pơm jang đei iung jing đơ\ng trong pơkăp jang đơ\ng Ban bí thư Trung ương Đoàn hơdruh tơdăm CS Hồ Chí Minh, jăl xơnăm 2006- 2010”.

Đơ\ng ro\ng vă je# 6 xơnăm tơ iung pơjing, truh dang ei kxo# unh hnam truh oei jang tơ\ pơlei hơdruh tơdăm iung jang tơring xơlam teh Mang Mrai, apu\ng Sa Thầy, dêh char Kon Tum duh tam mă xđơ\ng. Pơlei hlôi io\k hloh 150 unh om hơdruh tơdăm, mă lei dang oei pă 97 unh hnam đe\ch. Tơdrong apinh mơ\t jang, đang kơ noh jăk le# đơ\ng unh om dang ei pơtoi oei [ôh lơ. Atu\m hăm 20 hơdruh tơdăm nai đơ\ng apu\ng Đak Glei chih măt mơ\t jang lơ\m pơlei đunh kơ âu 5 xơnăm, pơmai Y Lam ăn tơbăt:“ Đơ\ng blu\ng xơnăm 2010 mơ\t jang tơ\ âu noh 20 ‘nu. Jăk le# oei pă 4 ‘nu. Kplăh ‘nao mơ\t jang tơdrong erih tơ\ âu tơnap tap dêh. Đei bngai ‘meh oei jang mă lei pơlo\ pơgru\n noh vih đe\ch”

Truh khei năr âu, dôm unh hnam tơ\ pơlei hơdruh tơdăm pơm jang tơ\ Mang Mrai drơ\ng nơ\r xkơ\t: đơ\ng ro\ng kơ iung jang hiôk hian, tơdrong erih tơ\ âu roi năr roi tơnap tap. Rim unh hnam adro# đei axong ăn 3 sào teh, đei teh bơ\ hnam păng teh choh jang, noh tơdrong io\k yua ưh kơ đei dôm yơ, noh nhen le\ gơnơm lơ\m jên jang io\k vei lăng hloh 800 héc- ta kxu kơ 2 ko\ng ti: Cổ phần kxu Sa Thầy păng Sâm Ngọc Linh Kon Tum ưh kơ măh ăn tơdrong erih rim kơ năr. Mă lei, yuơ kjă kxu tơjur, dôm ko\ng ti âu klă jên adar. ‘Nho\ng Lê Tiến Quang Dương, truh tơ\ âu đơ\ng năr pơtơm pơjing pơlei, io\k vei lăng 8 héc- ta minh puơ\t kxu đơ\ng ko\ng ti Cổ phần kxu Sa Thầy ăn tơbăt, xơnăm âu pơtơm đei 3 ‘măng jên hăm hloh 10 triu hlj: “Ră tơpăt hloi. Đon kơche\ng ‘nho\ng oh nhôn ‘meh jăk đơ\ng đunh bơih. Dang ei vih tơ\ pơlei xo năm man hnam kơ đe noh adoi đei jên rong ‘me kon hơkăn, oei tơ\ âu tơnap dêh, tơnap kơ chă xa. Dang ei rim bngai duh nhen băl đei bu thuê bu ăi? Dang ei chiu chăi đe\ch băt pơm thoi yơ. Gô mơ\ng lăng thoi yơ ‘mơ\i đe\ch...!”

Pơtêng hăm dôm unh hnam io\k vei lăng kxu đơ\ng ko\ng ti cổ phần kxu Sa Thầy, tơdrong erih kơ 40 unh hnam io\k vei lăng kxu đơ\ng ko\ng ti Cổ phần sâm Ngọc Linh oei tơnap hloh dơ\ng. Xơnăm 2013, Ko\ng ti âu oei hre 30% jên jang vei lăng đơ\ng bngai jang hăm nơ\r pơkăp năr 30 khei 4 xơnăm 2014 gô klă, cho\ng mă truh dang ei duh tam mă jang keh, pho\ oei hre hloi jên jang xơnăm âu dơ\ng. Ako\p kxo# jên mă ko\ng ti oei hre kơ dôm unh hnam to\k hloh 1 tih 200 triu hlj. Rim unh hnam đe hre truh 30 triu hlj. Tơpă âu pơm lơ unh hnam bngai jang tơ\ pơlei hơdruh tơdăm iung jang tơ\ Măng Mrai jing he# hre hrông hăm dôm anih te\ch tơmam et xa. Oei dôm anih te\ch tơmam et xa noh athei pơdơh kơ jang kơlih lơ unh hnam tơ\ âu tơtă hrăt tơmam păng hre ngăl.

Tơnap noh pơm kư\ kă, lơ bngai năm jang tơ\ pơlei hơdruh tơdăm iung jang athei chă loa hơnguăng kon bri brăh păng koh ot ‘long tơ\r vă te\ch rong kơdih po păng unh hnam. Minh ‘nu jang apinh ưh kơ tơbang hơnăn ăn tơbăt: “Mă mônh noh jên me\ [ă pơtruh ăn. Mă 2 noh năm jang kơ đe tơ\ âu tơ\ to. Oei ‘nho\ng oh tơ\ âu noh be\t hơkap. Đei yă kiơ tơchă mă ăi đe\ch yơh. Rim unh hnam adoi năm jang. Minh [ar ‘nu bngai ưh kơ be\t hơkap mă oei năm koh ot tơ\r dơ\ng. Lơ ‘nho\ng oh oei noh ưh kơ keh mă chôt vih tơ\ pơlei xo duh ưh kơ gơh, kơlih tơ\ pơlei pơla xo noh te\ch pơđ^ teh vă năm tơ\ âu pơm jang. Mă dang ei noh băt vă vih tơ\ yơ? Oei lăi noh tơdrong erih thoi âu!”

Tơdrong tơm pơm ăn tơnap tap tơ\ pơlei hơdruh tơdăm iung jang Mang Mrai, d/c Kon Tum noh dôm bngai năm jang ưh kơ măh tơmam pơm jang, hơdăh noh teh. Kiơ\ jo# hơlen đơ\ng khul kdră dơnơm jang găh hơdruh tơdăm xung phong dêh char Kon Tum, dôm bngai năm jang păng unh hnam hơdruh tơdăm tơ\ âu gô đei io\k yua đơ\ng jên vei lăng kxu păng pơtăm atu\m hdre\ch ‘long to\ xe\t năr lơ\m hơgăt teh le# hoh lơ\m pơgar kxu lơ\m 3 xơnăm mă blu\ng. Cho\ng mă, kiơ\ jo# hơlen âu ưh kơ đei jơnei, kơlih ưh kơ chă đei ‘long pơtăm tro\ [lep. Tơdrong xek tơlang tơnap tap âu to\k bo\k oei gơnơm lơ\m anih io\k tơgu\m jang. {ok Võ Văn Vinh, Kdră khul hơdruh tơdăm iung jang xung phong dêh char Kon Tum ăn tơbăt, anih jang oei pơtru\t ko\ng ti Cổ phần Sâm Ngọc Linh axong to\ xe\t teh tam mă pơtăm kxu ăn kơ pơlei hơdruh tơdăm iung jang: “Dôm hơgăt teh 203ha nhôn ‘nao bơ\ jang hăm anih jang atu\m hăm nhôn noh anih jang sâm Ngọc Linh. Nhôn pơkăl pơdơh, ưh kơ đei pơtăm kxu bơih păng pơtoi hơlen teh lơ\m hơgăt pơkăp vă axong ăn ‘nho\ng oh/ Tơ\ anăp hơgăt teh tơ\ ‘ngoaih, noh axong ăn ‘nho\ng oh rim ‘nu 5 sào- tong ane# ha”

Vă tơgu\m bngai năm jang tơ\ pơlei hơdruh tơdăm iung jang tơ\ tơring xơlam Mang Mrai gơh xđơ\ng pơm jang erih xa, đunh đai noh kdră dơnơm khul hơdruh tơdăm  Thanh niên Xung phong d/c Kon Tum duh hlôi tơle\ch jang vă rong rơmo yo\ng, jang atu\m hăm anih jang găh hdre\ch xkơ\t dôm hdre\ch ‘long pơtăm tro\ [lep đei kjă kăp [iơ\ vă axong jang ăn hơdruh tơdăm... Mă lei adrol kơ io\k jang dôm tơdrong tơchơ\t âu, noh tơdrong kăl mă blu\ng mă anih dơnơm kơ khul hơdruh tơdăm Thanh niên Xung phong d/c Kon Tum kăl jang noh athei io\k hre vei lăng păng jang kxu hloh 1 tih 200 triu hlj, vă bngai jang klă hre păng pơtoi răt tơmam xa, răt tơmam kăl pơtoi ăn tơdrong erih.

                         Tơblơ\ nơ\r Bahnar: Lan