VOV4.Bahnar - Jô̆ đơ̆ng 12 jơ ‘năr dơ̆ng năr 6/8, pơlei tơm Gia Nghĩa, dêh char dak Nông pơtôch ăn oei hơtăih dĭh băl kiơ̆ Nơ̆r athei jang kiơ̆ 16 đơ̆ng Thủ tướng Tĕh đak, tơplĭh jang kiơ̆ Nơ̆r athei jang kiơ̆ 15 vă hơnơ̆ng tang găn jĭ Covid-19.

Gia Nghĩa oei vei kơ jăp 5 hơnĭh gak mơ̆t lơ̆m pơlei tơm

Lơ̆m 14 năr jang kiơ̆ pơvang tang găn, pơlei tơm Gia Nghĩa pă đei ƀô̆h bơngai ‘nao tơpŏh jĭ SARS-CoV-2 lơ̆m kon pơlei. Kon pơlei oei tơ̆ tơring đei ƀô̆h bơngai jĭ hlôi đei iŏk pham khăm hơlen jei ư̆h kơ đei ƀô̆h tơpŏh jĭ ră. Mă lei, tơ̆ hơnăp tơdrong jĭ tôch hơmơt tơt, tơdrong hơmơt tơpŏh oei kơtang đĕch, pơlei tơm vei kơ jăp 5 hơnĭh gak tơ̆ rim trong mơ̆t lơ̆m pơlei tơm. Rim hơnĭh tĕch mơdro sŏng sa đei ăn plôih ‘măng tĕch mơdro dơ̆ng. Pơlei tơm hơnơ̆ng pơdơ̆h rim tơdrong pơgơ̆r hop akŏm, rim tơdrong pơgơ̆r au to akŏm hlŏh 20 ‘nu bơngai năm tơ̆ lơ, pơdơ̆h ăn năm hơkŭm, tơdrong jang akŏm lơ bơngai đơ̆ng 20 ‘nu năm tơ̆ lơ.

Tơblơ̆ nơ̆r: Amazưt