VOV4.Bahnar -  Đơ̆ng rŏng 2 năr iung jang hơmet ăn tĕnh koăng, pơgê năr 19/6, pơlei tơm Hồ Chí Minh tơlĕch jang ƀet pơgang vaccine Covid-19 kơtang hlŏh đơ̆ng sơ̆ trŭh dang ei. ‘Nau tơnô̆ vaccine 836.000 kơ liêu ‘nao đei Khŭl kơdră Tĕh đak klăh asong ăn Pơlei tơm Hồ Chí Minh. Pơlei tơm Hồ Chí Minh gô pơgơ̆r ƀet tơnô̆ vaccine 836.000 kơ liêu lơ̆m khei ‘năr đơ̆ng 5-7 năr, iŏk đơ̆ng năr 19/6, hăm pơgơ̆r ƀet tơ̆ 1.000 hơnĭh. Pơlei tơm gô hơvơn pơ đĭ khŭl ƀok thây pơgang đơ̆ng rim hơnĭh jang găh Dơnŏ anĭh tơm vei lăng jang pơgang lơ̆m pơlei tơm Hồ Chí Minh, rim hnam pơgang pơlei tơm, kuân, apŭng; rim hnam pơgang ŭnh hnam pơm tơm, hnam pơgang tơring… vă sơđơ̆ng ăn tơdrong ƀet bơ̆ng au. Dang ei, Dơnŏ anĭh vei lăng jang pơgang pơlei tơm hlôi pơjing dang 500 khŭl ƀet bơ̆ng tơ̆ rim hnam pơgang tơm, hnam pơgang tơring, hơmet tôm tơmam drăm vă tơlĕch jang ƀet bơ̆ng ăn rim bơngai kiơ̆ tơdrong tơchơ̆t. Pơlei tơm Hồ Chí Minh jei tŏk bŏk pơgơ̆r pơtho pơhrăm ming trong bơ̆ jang sơđơ̆ng ăn ƀet bơ̆ng ăn rim khŭl ƀet bơ̆ng.

Tơblơ̆ nơ̆r: Amazưt