VOV4.Bahnar - Tơ̆ ‘măng pơgơ̆r “Kon pơlei apĭnh-Pơlei tơm tơl” pơgơ̆r gơmăng năr 13/9, ƀok Lê Hòa Bình - Kơ iĕng Kơdră chĕp pơgŏr Dơnŏ anĭh vei lăng kon pơlei kơ pơlei tơm Hồ Chí Minh tơbăt Shipper pơlei tơm gŏh năm ba tơmam drăm năm tŏ rim kuân jô̆ đơ̆ng năr 16/9. Tơ̆ ‘măng pơgơ̆r, lơ nơ̆r apĭnh hăm Kơ iĕng Kơdră chĕp pơgơ̆r Dơnŏ anĭh vei lăng kon pơlei kơ pơlei tơm Hồ Chí Minh găh tơdrong pơm rơdu pơvang tang găn tơpôl, tơdrong chă yơ yak kơ kon pơlei ... Tơl nơ̆r kon pơlei apĭnh, ƀok Lê Hòa Bình tơbăt: Iŏk đơ̆ng năr 16 trŭh năr 30/9, pơlei tơm Hồ Chí Minh đei jang pơlong năng pơm rơdu pơvang tang găn tơ̆ 3 tơring hlôi đei tơbăt hơdăh kĕ tang găn jĭ ‘nŏh Kuân 7, apŭng Củ Chi păng apŭng Cần Giờ. Mư̆h pơlei tơm oei hơnơ̆ng jang kiơ̆ pơvang tang găn, rim tơdrong chă yơ yak kơ kon pơlei gô đei vei lăng kiơ̆ kmăi kmŏk hlôi đei chĭh tơmơ̆t hơnăn dôm bơngai hlôi đei ƀet vaccine, hlôi khăm hơlen ư̆h kơ đei ƀô̆h jĭ păng trong chă yơ yak.

Tơblơ̆ nơ̆r: Amazưt