VOV4.Bahnar -  Pơgê năr 15/11, Dơnŏ anĭh vei lăng Mơdro sa pơlei tơm Hồ Chí Minh pơgơ̆r blŭng a tơdrong pơgơ̆r tơjur kơ jă mư̆h răt tơmam drăm lơ̆m Shopping Season 2021 hăm hơnăn “Răt mơ̆ng kơ vă, pơting dĭh băl răt yua” vă pơtrŭt tĕch răt lơ̆m tĕh đak, tơgŭm djru hơnĭh mơdro sa hơmet pơ ‘lơ̆ng pơm tơlĕch-tĕch mơdro lơ̆m chăl “oei sa ‘lơ̆ng ‘nao”.

Pơlei tơm Hồ Chí Minh pơgơ̆r tơjur kơ jă mư̆h răt tơmam drăm vă pơtrŭt đe răt lơ Shopping Season 2021

Đei 586 hơnĭh mơdro sa ‘lơ̆ng vang pơgơ̆r tơjur kơ jă akŏm lơ̆m Shopping Season 2021, hăm tơjur kơ jă đơ̆ng 30-70%, đei lơ tơmam drăm ‘nŏh: tơmam drăm sa, phơ̆m, hơbĕn ao, tơmam drăm điên tư …Đei pơgơ̆r đơ̆ng năr 15/11 trŭh năr 31/12, tơdrong pơgơ̆r au jei hơvơn đei lơ hơnĭh tĕch mơdro lơ̆m pơlei tơm, rim hơnĭh tĕch răt điên tư. Hơdrô̆ Jơnŭm kơchơ tơjur kơ jă đei pơgơ̆r đơ̆ng năr 21/11 trŭh năr 21/12 tơ̆ Hnam Pơlong Phú Thọ hăm đei 450 hơdrơ̆r tơmam drăm sa, đak nhă, sŏng sa, pơchơt pơ hiơ̆, điên tư ....

Tơblơ̆ nơ̆r: Amazưt