VOV4.Bahnar - Kiơ̆ đơ̆ng Dơnŏ anĭh tơm vei lăng Hnam trương pơtho pơhrăm tơbăt, năr pơlong blŭng a, ‘Măng pơlong lĕch ‘măng khoă jăl pêng sơnăm 2021, akŏp măt bơngai hŏk tro pơlong pơ đĭ 2 môn Ngữ văn hăm Toán jei jơnei hlŏh 97% pơtêng măt bơngai hŏk tro chĭh hơnăn vang năm pơlong. Lơ̆m tĕh đak bơ̆n đei 9 ‘nu hŏk tro pơm glăi tơdrong tơchơ̆t kơna ư̆h kơ ăn pơlong. Kiơ̆ chă hơlen ‘măng mă blŭng đơ̆ng hŏk tro, ƀok thây kô păng tơpôl, ƀai pơlong Ngữ văn hăm ƀai pơlong Toán lơ̆m dôm ƀai hŏk pơ hrăm jăl pêng, đei hơmet ming trŏ ƀlep. Rim khŭl vei lăng pơlong hlôi jang kiơ̆ ‘lơ̆ng rim trong jang tang găn jĭ hơbŭh Covid-19 păng tơlĕch rim trong jang tang găn kơna hlôi hơmet pơ ‘lơ̆ng rim tơdrong đei ƀô̆h chrĭh, sơđơ̆ng ăn pơgơ̆r pơlong sơđơ̆ng ‘lơ̆ng hơ iă. Năr au, năr 8/7, năr pơlong tuch luch kơ ‘măng mă blŭng, ‘Măng pơlong lĕch ‘măng khoă jăl pêng sơnăm 2021, tĭl pơgê hŏk tro pơlong rim ƀai pơlong Khoa hŏk tư̆ nhiên dăh mă Khoa hŏk xah hô̆i, tơ̆ kơsơ̆ hŏk tro pơlong nơ̆r Tĕh đak đe.

Tơblơ̆ nơ̆r: Amazưt