VOV4.Bahnar - Anih tơm vei lăng jang pơ gang pơ jao ăn dôm hnam pơ gang trung ương pơm 3.000 tŏ giơng hơ met jĭ ăn tơ̆ plt HCM. ‘Nŏh jĭ nơ̆r pơ ma đơ̆ng Kơ dră tơm vei lăng jang pơ gang Nguyễn Thanh Long lơ̆m jơ bơ̆ jang hăm Anih jang đảng plt, Dơ nŏ anih vei lăng kon pơ lei plt HCM găh tơ drong tang găn jĭ pơ gê ‘năr 29/7.

‘Ngoăih kơ hnam pơ gang hơ met jĭ ăl 1.000 tŏ giơng, plt HCM gô đei dơ̆ng 3 anih hơ met jĭ ăl nai yoa dôm Hnam pơ gang trung ương vei lăng

Ƀok Kơ dră tơm vei lăng jang pơ gang Nguyễn Thanh Long akhan, tơ drong kăl tơ rĕk hlŏh đơ̆ng plt HCM dang ei ‘nŏh pơm thoi yơ vă dŏng đei bơ ngai jĭ ăl păng găn lê̆ kơ sô̆ bơ ngai lôch. ‘Ngoăih kơ dôm khul jang rơ gei hlôi đei krao akŏm adrol kơ ‘nŏh, Anih tơm vei lăng jang pơ gang hơ nơ̆ng athei dôm kơ dră chĕp kơ̆l anih jang kơ pal đei ƀơm truh păng Kơ dră chĕp kơ̆l dôm Hnam pơ gang gĭt kăl, hnam pơ gang juăt hơ met jĭ kơ trung ương năm tơ̆ plt vang bơ̆ jang pơm anih hơ met jĭ, mă loi ‘nŏh anih hơ met jĭ ăl ăn dôm bơ ngai jĭ Covid-19.

Dơ̆ng: Tơ blơ̆