VOV4.Bahnar - Pơgê brei, năr 9/8 tơ̆ Hơnĭh bơ̆ jang Kơdră chĕp pơgơ̆r Tĕh đak, Tổng Bí thư, Kơdră chĕp pơgơ̆r Tĕh đak Lào Thongloun Sisoulith hăm Akăn ƀok hlôi pơm tơm pơm lê̆h sơng Kơdră chĕp pơgơ̆r tĕh đak Nguyễn Xuân Phúc hăm Akăn ƀok hăm trong pơgơ̆r tĭh hlŏh ‘măn ăn kơdră chĕp pơgơ̆r tĕh đak ƀlep lơ̆m Khŭl kơdră kơpal Việt Nam năm ngôi tĕh đak Cộng hòa dân chủ Nhân dân Lào.

Pơtôch pơm lê̆h sơng, ƀar ‘nu kơdră chĕp pơgơ̆r Tĕh đak hlôi pơma dơnŭh dĭh băl hơdrol pơma đam. Lăp đơ̆ng rŏng pơma đam, ƀar ‘nu kơdră vang năm pơm lê̆h kĭ pơkăp lơ hla bơar jang hơdoi gĭt kăl lơ̆m rim tơdrong jang tư phap, tang găn ma tuý, tơchă, dŏng tơgŭm; kĭ pơkăp jang hơdoi ƀar păh rim tơring; kĭ pơkăp jang hơdoi ƀar păh rim hơnĭh mơdro sa lơ̆m jang ŭnh hơyŭh, mŭk drăm lơ̆m tĕh. Lơ̆m ‘măng năm tơmang au, Kơdră chĕp pơgơ̆r Tĕh đak Nguyễn Xuân Phúc jei gô tơ ƀơ̆p pơma dơnŭh hăm Thủ tướng Lào; Kơdră chĕp pơgơ̆r Kuô̆k hô̆i Lào; đei mĭnh ƀar ‘măng tơ ƀơ̆p rim kơdră so chĕp pơgơ̆r Đảng, Tĕh đak Lào.

Tơblơ̆ nơ̆r: Amazưt