VOV4.Bahnar - Pơgê năr 28/4, tơ̆ Hà Nội, Hơnĭh tơm vei lăng Tơdrong jang Việt Nam pơgơ̆r Pơm lê̆h tơbăt 135 sơnăm Năr Apŭng plĕnh tĕh jang (01/5/1886 – 01/5/2021), Tơlĕch iung jang Khei Kŏng nhân. Iung pơma tơ̆ pơm lê̆h, Kơdră chĕp pơgơ̆r tĕh đak Nguyễn Xuân Phúc pơma hơdăh, tĕh đak păng kon pơlei ling lang ‘măn ăn tơdrong lăng ba, vei lăng năng tông kăl trŭh hăm kong nhân,bơngai jang păng hơnih bơ̆ jang kŏng đoan. Kơdră chĕp pơgơ̆r tĕh đak hôn bơnê rim hơnĭh kŏng đoàn hlôi jang kiơ̆ kơ jăp nơ̆r pơrô̆ jang đơ̆ng Ban Bí thư ling lang hơdrin, tơchăr tơlĕch jang kiơ̆ rim tơdrong jang gĭt kăl vă vă jê̆ 10 sơnăm au ki Khei kŏng nhân tơpă jing dôm năr lê̆h kơ kŏng nhân, kang ƀô̆, bơngai jang lơ̆m tĕh đak. Kiơ̆ lơ̆m tơdrong au, Kơdră chĕp pơgơ̆r tĕh đak athei Khŭl kŏng đoàn hlôi pơjing trong iung jang kơ Kŏng đoàn Việt Nam jang kiơ̆ Tơdrong tơchơ̆t Pơm lê̆h hop akŏm mă 13 kơ Đảng sơđơ̆ng khoa hŏk ‘lơ̆ng hơ iă. Tơ̆ jơ pơm lê̆h, tang măt ăn Dơnŏ anĭh chĕp pơgơ̆r Khei iung jang găh sơđơ̆ng jang sa Trung ương,  Kơdră chĕp pơgơ̆r Dơnŏ anĭh tơm vei lăng Tơdrong jang bơngai rơka păng tơpôl  Đào Ngọc Dung tơlĕch jang Khei iung jang găh Sơđơ̆ng, rơgoh ‘lơ̆ng tơdrong jang sơnăm 2021 hăm hơnăn “Atŏk kơtang lăng hơlen, dăr lăng rim tơdrong hơmơt đei tơdrong ư̆h sơđơ̆ng lơ̆m jang păng tơdrong vang iung năm đơ̆ng dôm bơngai jang găh tơdrong sơđơ̆ng”.

Tơblơ̆ nơ̆r: Amazưt