VOV4.Bahnar - Pơgê năr 29/3, tơbăt 46 sơnăm Năr rơngei pơlei pơla, pơlei tơm Đà Nẵng pơgơ̆r pơm lê̆h tơbăt hơdăh rim Tơdrong tơchơ̆t đơ̆ng Khŭl kơdră Tĕh đak, Thủ tướng teh đak găh atŏk tơ iung pơlei tơm Đà Nẵng. ‘Nŏh, tơdrong pơkăp tơlĕch jang kiơ̆ Tơdrong tơchơ̆t kơsô̆ 119 đơ̆ng Kuô̆k hô̆i găh jang pơlong năng khŭl bơ̆ jang kơdră tơring kơdrơ̆m; Tơdrong tơchơ̆t kĭ pơkăp Tơdrong vă jang pơ prŏ ming pơlei tơm; Tơdrong tơchơ̆t tơlĕch tơmơ̆t jên jang tơ iung pơjing ming man Dơnŏk duk Liên Chiểu păng Trong ăn asong tơ iung pơjing Tơdrong vă jang Hơnĭh tơm bơ̆ jang pơlei tơm Đà Nẵng.

Kơ iĕng Thủ tướng Trịnh Đình Dũng pơjao ăn rim Tơdrong tơchơ̆t đơ̆ng Khŭl kơdră tĕh đak găh atŏk tơ iung Đà Nẵng

Iung pơma tơ̆ pơm lê̆h tơbăt, Kơ iĕng Thủ tướng tĕh đak Trịnh Đình Dũng sơkơ̆t hơdăh, Tơdrong tơchơ̆t 119 đơ̆ng Kuô̆k hô̆i găh jang pơlong năng khŭl kơdră tơring kơdrơ̆m păng mĭnh ƀar trong bơ̆ jang hơdrô̆ gĭt kăl atŏk tơ iung pơlei tơm Đà Nẵng tôch gĭt kăl. ‘Nau dôm tơdrong tơchơ̆t kăl hlŏh tơgŭm ăn tơring iung yak pran kơtang găh tơ iung pơjing Khŭl kơdră chĕp pơgơ̆r trŏ ƀlep hăm dôm tơdrong đei kơ hơnĭh kơdrơ̆m Đà Nẵng.

Tơblơ̆ nơ̆r: Amazưt