VOV4.Bahnar - Năr 15/11, Khŭl kơdră chĕp pơgơ̆r Trung ương Mặt trận Tổ quốc Việt Nam hlôi pơjing Tơdrong tơchơ̆t pơtrŭh ăn Khŭl kơdră chĕp pơgơ̆r Mặt trận Tổ quốc Việt Nam rim dêh char, pơlei tơm păng Kơdră chĕp pơgơ̆r rim hơnĭh lui khop găh pơm lê̆h tơbăt kon pơlei lôch răm đơ̆ng jĭ hơbŭh Covid-19 pơm ăn. Hla bơar tơchơ̆t pơma hơdăh, Pơm lê̆h tơbăt kon pơlei lôch răm kơ yuơ jĭ hơbŭh Covid-19 đei pơgơ̆r vă tơbăt hlŏh 20.000 ‘nu kon pơlei, kang ƀô̆, ƀô̆ đô̆i kŏng ang lơ̆m tĕh đak lôch răm kơ yuơ ji hơbŭh Covid-19; tơbăt hơdăh jơhngơ̆m đon ơ̆h sơ ‘ngo kơtang tơ̆ hơnăp tơdrong hiong răm, ơ̆h ol kơ dôm jĭt ŭnh hnam đei bơngai hiong răm; hơnơ̆ng hơlêm, pơtrŭt jơhngơ̆m đon vang iung jang tang găn jĭ Covid-19. ‘Nau jei jing atŏk kơtang iung jang kiơ̆ tơdrong joăt joe tơgoăt tơgoăl pôm nơ̆r ƀơ̆r đon, jơhngơ̆m đon nuih mơng kơ hơdrĕch hơdrung, yak hlŏh tơdrong tơnap tap, pơm joăt hăm tơdrong erĭh sa sơđơ̆ng ‘lơ̆ng hơ iă, tang găn jĭ hơbŭh Covid-19, hơmet pơ ‘lơ̆ng jang sa, pơm tơlĕch tĕch mơdro, atŏk tơ iung mŭk drăm-tơpôl, tơ iung pơjing păng vei lăng tĕh đak.

Tơblơ̆ nơ̆r: Amazưt