VOV4.Bahnar - Kơsơ̆ năr 31/3, tơ̆ Hnam Kuô̆k hô̆i, Bộ Tư pháp jang hơdoi hăm Hơnĭh bơ̆ jang Kuô̆k hô̆i pơgơ̆r pơm lê̆h tơlĕch jang pơlong trư̆k tuyên “Tơchă băt khôi luơ̆t găh pôk rơ̆ih Kơdră tang măt Kuô̆k hô̆i păng kơdră tang măt Jơnŭm vei lăng kon pơlei”. Đĭ đăng kon pơlei Việt Nam lơ̆m tĕh đak păng oei tơ̆ tĕh đak đe gơ̆h vang pơlong chĭh hơnăn apĭnh pơlong lơ̆m Cổng Thông tin điện tử Kuô̆k hô̆i; Cổng Thông tin điện tử Bộ Tư pháp; Trang kơtơ̆ng ang điện tử kơ Jơnŭm pôk rơ̆ih Tĕh đak; Trang kơtơ̆ng ang điên tư tơbăt, pơtho tơbăt Khôi luơ̆t; Trang kơtơ̆ng ang điên tư Tivi Kuô̆k hô̆i Việt Nam; Báo Điện tử Kơdră tang măt kon pơlei păng Ƀăo Khôi luơ̆t Việt Nam điện tử. Tơdrong pơlong ‘nŏh rim nơ̆r athei tơbăt găh tơdrong tơchơ̆t kơ Khôi luơ̆t Pôk rơ̆ih kơdră tang măt Kuô̆k hô̆i păng kơdră tang măt Jơnŭm vei lăng kon pơlei sơnăm 2015; mĭnh ƀar tơdrong tơchơ̆t kơ Khôi luơ̆t tơm Tĕh đak, Khôi luơ̆t Bơ̆ jang Kuô̆k hô̆i, Khôi luơ̆t bơ̆ jang Kơdră chĕp pơgơ̆r tơring găh pôk rơ̆ih kơdră tang măt Kuô̆k hô̆i păng kơdră tang măt Jơnŭm vei lăng kon pơlei. ‘Măng pơlong đei pơgơ̆r lơ̆m 30 năr (đơ̆ng 0h00 năr 01/4/2021 trŭh 24h00 năr 30/4/2021) hăm tơmam hơpăh jơnei dơ̆ng hơlau ‘nŏh 20 trĭu hlak jên păng lơ tơmam hơpăh anai.

Tơblơ̆ nơ̆r: Amazưt