VOV4.Bahnar  – Pơgê năr 25/8, Anih tơm pơgơ̆r Linh jang atŭm hăm Anih jang Tuyên yăo Trung ương, Anih jang kơ Khul kơpal teh đak păng Anih jang kơpal dêh char Quảng Bình pơgơ̆r trư̆k tuyê̆n Pơma đam khoa hŏk kơ Teh đak Tơbăt 110 xơnăm 'Năr rơneh ƀok Đăi tươ̆ng Võ Nguyên Giáp. Pơma đam đei hơnăn “ Đăi tươ̆ng, Kơdră dơnơm Khul linh Võ Nguyên Giáp – Bơngai rơgei kloh klĕch găh linh, bơngai kơdră rơgei pơgơ̆r kăch mạng Việt Nam”.

Pơma pơgơ̆r lơ̆m Pơma đam khoa hŏk trư̆k tuyê̆n hăm Anih tơm pơgơ̆r Linh tơ̆ Hà Nội, Đại tướng Phan Văn Giang, jang lơ̆m Anih tơm Chĭnh trĭ, Ƀô̆ trưởng Anih tơm pơgơ̆r Linh ră hơdăh: “Pơma đam jing minh lơ̆m dôm tơdrong jang tih, kăp gĭt hloh lơ̆m dôm tơdrong jang Tơbăt 110 xơnăm 'Năr rơneh ƀok Đại tướng Võ Nguyên Giáp. Dôm ƀai đŏk tơbang păng nơ̆r tơgop lơ̆m Pơma đam đeihơmet chih răk vă xơkơ̆t kăp gĭt kơ tơdrong erih, jang kăch mạng kloh klĕch đơ̆ng ƀok Đại tướng Võ Nguyên Giáp; pôk bơnê jơhngơ̆m plang tih tên kăp gĭt gởh ơgei đơ̆ng ƀok hăm tơdrong jang kăch mạng kơ Đảng păng hơdrung hơdrĕch bơ̆n. Tơgop hơmet đon lui đơ̆ng kon pơlei hăm tơdrong jang tơplih 'nao kơ teh đak kơyuơ Đảng bơ̆n tơlĕch păng pơgơ̆r jang.

Lan chih păng pơre nơ̆r