VOV4.Bahnar - Năr 27/9, tơ̆ Hnam Kuô̆k hô̆i hlôi pơgơ̆r pơma dơnŭh tơbăt ăn khŭl joăt jang găh mŭk drăm-tơpôl. Vang năm pơma dơnŭh đei vă jê̆ 80 ‘nu kơdră tang măt ăn rim Hơnĭh tơm, hơnĭh bơ̆ jang, khŭl jang apŭng plĕnh tĕh, khŭl joăt jang mŭk drăm. Iung pơma tơ̆ pơgơ̆r pơma dơnŭh, Kơ iĕng Kơdră chĕp pơgơ̆r Kuô̆k hô̆i Nguyễn Đức Hải sơkơ̆t hơdăh, rim nơ̆r tơgop kơ ‘măng pơma dơnŭh năr au jing tơdrong kơtơ̆ng ang kăl hlŏh vă Kuô̆k hô̆i tơchơ̆t rim tơdrong jang kăl kơ tĕh đak găh Mŭk drăm-Tơpôl; Pơgơ̆r pơma dơnŭh jei jing tơdrong tơm vă rim bơngai joăt jang, rim bơngai khoa hŏk, rim kơdră chĕp pơgơ̆r pơma tơbăt jơhngơ̆m đon po tơpăt ‘lơ̆ng hơ iă vă atŏk tơ iung mŭk drăm-tơpôl ‘lơ̆ng hơ iă, kơ jăp ‘lơ̆ng. Rim bơngai joăt jang, rim bơngai khoa hŏk, rim hơnĭh tơm, hơnĭh bơ̆ jang ăn tơgop nơ̆r găh tơdrong lơ̆m tĕh đak vă jang keh đang trong tơlĕch vă jang atŏk tơ iung mŭk drăm-tơpôl 4 khei hơtuch sơnăm 2021, pơ đĭ lơ̆m sơnăm 2021 păng tơ iung pơjing trong vă jang lơ̆m sơnăm 2022.

Tơblơ̆ nơ̆r: Amazưt