VOV4.Bahnar - Ro đơ\ng tu đak găh pơbăh kơ hơbon kông Ngọc Linh, Pô Kô jing minh lơ\m 3 đak krong tơm kơ dêh char Kon Tum. Hăm kxo# ataih hloh 120km, đak krong jing thong đak axong đak kăp g^t ăn tơdrong jang păng xo\ nhă ăn tong ane# măt kon pơlei dêh char Kon Tum. Cho\ng mă, pơhlom 6 xơnăm kơ âu, đak krong Pô Kô tro\ phă pơrăm kơtang păng tenh kuăng jing he# đak krong vă je# tôch hiong. Pô Kô - minh um ru\p pơtih kơ Tây Nguyên muih mơng, tơdrong pơ ư pơ ang kơ lơ chăl bngai tơ\ Tây Nguyên pơma atu\m păng Kon Tum pơma adro# to\k bo\k jing anih mă cham char păng kon bngai pơrăm kne#.

Thong đak krong Pô Kô [enh kơ đak xă xeng, đak hlăng jơk [l^k, hăm bngai vơ\r tho\ng A Sanh mă nhak sih Cầm Phong hlôi jing um ru\p ‘lơ\ng ro\, tơdrong pơ ư pơ ang kơ lơ chăl kon pơlei Tây Nguyên.

Cho\ng mă dang ei đak krong xơ\ hlôi pha. Yă Y Kloi, bngai Jeh - Triêng, Plei Đak Sút 1, xăh Đak Ang, apu\ng Ngọc Hồi tơguăt hăm đak krong Pô Kô đơ\ng oei ‘la#p, dang ei hlôi truh [rơ\k kơ jơhngơ\m: đak krong dang ei pă gơh hum, đak roi ưh kơ gơh xo\ nhă. Hlăm hloh noh, đak krong hlôi jing tơdrong hiơ\r jơhngơ\m hăm kon pơlei. Yă Y Kloi ăn tơbăt tơdrong tơm: “Đak krong Pô Kô noh, hnam kmăi ro\l [um [lang đak [âu ôm ưh kơ xu\k. {âu ôm noh lơ\m hơkâu bngai ưh kơ xu\k xan, tep ăh kơmăng ưh kơ gơh. Yă âu j^ pơ ‘ngeh xuang noh pơma ưh kơ le\ch nơ\r. Kon hơ ioh dang ei duh j^ pơlo\ tro\ tơngie\t ngăl đe\ch”

Đunh kơ âu 6 xơnăm, ăh je# đ^ khei 9 xơnăm 2009, đei ‘mi kial đak hơbông tơhlu tơpăr dôm tơmam drăm, pơm ăn đak krong pă đei nuih nhen xơ\ ki. Pô Kô jing phui phang, jih đak krong teh jing hơlih tơhor. Lơ\m tơdrong răm đơ\ng cham char tam mă klaih, noh đak krong [ơm he# kon bngai dơ\ng pơrăm.

Pơtoi lơ\m dôm xơnăm kơ âu, tơdrong chă xir kôch măh đei phep dăh mă ưh kơ đei phep tơ\ đak krong ke\t keng. Ăh khei tơm noh đei dôm j^t to\ kmăi xir kôch măh pơm ăn klo\ng đak krong he\ch hoch.

Tơdrong tơhlu\n teh đơ\ng ro\ng kơ xir kôch tơ\ lơ anih đơ\ng Ko\ng ti jang kiơ\ Cổ phần thép Đông Á adro# pơm jang kiơ\ trong vă tơjră noh teh tơmo adoi [enh kơ thong đak krong, đak pơro pai tơmo kăp g^t ro [enh pơm đak krong ‘me# ‘mach. ‘Nho\ng A Não, hnam tơje# đak krong Pô Kô jăl ro găn apu\ng Ngọc Hồi xo ‘nhôi ăn tơbăt:“Xơnăm âu tơdrong xir kôch măh găh jơnu\m pơgơ\r tơring akhan, găh Ko\ng ti apinh jang tơje# pơlei mă pơlei ưh kơ axong. Dang ei tơpuh noh hăp năm jang ăh jơ\ng gơng hơneh to dơ\ng. Hli mă mônh noh hơlih teh, mă 2 noh hơlih hloi gơng hơneh. Đunh kơ âu minh [ar xơnăm, đak krong Pô Kô 2 păh jih găh âu găh to oei tơje# băl, đei ‘long yơp. Mă lei dang ei ‘mi kial kxo# 9, jang măh dơ\ng noh hơlih teh roi năr roi ataih. Ưh kơ đei ‘long dơ\t ăh jih bơih, roi năr roi phă teh hnam oei”

Đơ\ng minh anih kjung tơ\ xăh Đak K’roong, apu\ng Đak Gei hơlen lăng tôch thong đak, noh [ônh [ôh băt minh đak krong Pô Kô rơheng kơ kot pơtêng hăm cham char tăp dăr. Bri dang ei oei pă to\ xe\t tơm ‘long ‘nhe\t, tơ\ ataih ti ti. Mưh nhen tơdrong xir hơrưng măh jing tơdrong jang pơrăm đak krong Pô Kô, noh 6 to\ hnam kmăi ro\l [ôt [um [lang păng kơtăk kxu răh rai ja#p apu\ng tơ\ tơring đak krong ro găn noh: Đak Glei, Ngọc Hồi, Đak Tô, Đak Hà jing dôm anih pơrăm đak krong tih tên hloh. {ok Xiêng Lăng Nguyện, Pho\ kdră anih vei lăng kon pơlei xăh Đak Nông, apu\ng Ngọc Hồi ăn tơbăt:“Djăh [um [lang ro jur tơ\ đak krong, mih ma duch nă rôp ka tơ\ đak krong Pô Kô [ơm djăh [um păng pơm ‘me# ‘mach đak krong. Dang thong đak krong [âu ôm. Adrol ki mih ma duch nă hơnơ\ng hu\m ‘nhao pih hơbe\n ao tơ\ đak krong, oei dang ei đak ưh kơ gơh yua. Kơlih dang ei đak [âu ôm dêh”

Ưh kơ đei tơnap kiơ vă băt hơdăh tơdrong tơm pơm ăn đak krong Pô Kô jing ‘me# ‘mach. Dơ\ng hơlâu lơ\m hơnăn âu noh 2 hnam kmăi ro\l pơm pu\k [um [lang, minh Ko\ng ti pơm pu\k [um [lang Focevco tơ\ xăh Đak Nông, apu\ng Ngọc Hồi păng minh Ko\ng ti Phương Hoa tơ\ xăh Đak K’roong, apu\ng Đak Glei. Mă lei, tơdrong tơnap kơ băt vao noh, mă 2 hnam kmăi âu hlôi pơm ‘me# ‘mach lơ\m lơ xơnăm, đei lơ tơdrong năm hơlen nai đei tơle\ch, cho\ng mă dôm tơdrong glăi adoi oei [ôh. Hơdăh nhen tơdrong mă hnam kmăi Ko\ng ti pơm pu\k [um [lang Focevco, mă tam đei phep pơm jang mă lei hlôi pơkăp 2 to\ đing pơro tih 300 [u\ tơ\ teh đơ\ng hơlu\ng kxo# 7 pơro đak tơ\ đak krong.

 Roi tơnap kơ hlôh vao noh, dôm tơdrong pơm glăi mă tơdrong tơm to\k bo\k oei pơrăm đak krong Pô Kô noh đei pơhlai [ônh [o\ hloh. {ok Vương Văn Tuyên, Pho\ kdră Anih vei lăng kon pơlei apu\ng Ngọc Hồi ăn tơbăt: “Khul jang hơlen kpal hlôi [ôh tơdrong pơkăp tam mă [lep hăm tơdrong tơroi răm truh cham char. Mă lei dôm tơdrong kơche\ng kơ tơring duh drơ\ng nơ\r đơ\ng anih jang duh pơm trong hiôk ăn doanh nghiệp đei pơlăp đing pơro đak âu vă tang găn tơdrong tơhiu teh kơ dơnâu hlo\ng đak”

Pơtoi lơ\m lơ xơnăm kơ âu, kon pơlei tơ\ apu\ng Đak Glei, Ngọc Hồi, Đak Tô hlôi đei nơ\r pơtruh hăm bngai tang măt ăn Kuôk ho#i, anih vei lăng kon pơlei, hăm jơnu\m pơgơ\r tơring dôm jăl kơ dêh char Kon Tum găh tơdrong ‘me# ‘mach cham char tơ\ đak krong Pô Kô.

Ăh khei 3 âu ki, Anih jang găh mu\k drăm păng cham char dêh char Kon Tum duh hlôi io\k 3 anih đak tơ\ đak krong vă pơtruh hơlen xkơ\t. Đơ\ng noh ăn [ôh đak tơ\ đak krong Pô Kô tơ\ dôm anih io\k hơlen adoi ưh kơ ‘lơ\ng, kơchơ\t kơtoăl lơ\m đak noh je# 2-3 ‘măng pơtêng hăm xkơ\t ăn phep. Cho\ng mă, nhen le\ dôm noh tam mă tôm vă anih jang kpal kơ tơring tơle\ch trong jang kjăp vă do\ng đak krong.  

 Hăm dôm tơdrong kiơ đei [ôh lơ\m đak krong, hơbo\ ưh kơ đei hloh [ơ\t vă akhan, Pô Kô jing “đak krong je# tôch hiong”. Đơ\ng ro\ng kơ Sê Rê Pốk tơ\ dêh char Dak Lak, đak krong Pa tơ\ Gia Lai, Tây Nguyên to\k bo\k hơmet đei dơ\ng minh thong đak krong jing anih răm đơ\ng cham char păng kon bngai pơrăm. Păng mưh dôm thong đak krong tơ\ Tây Nguyên duh oei pơtoi io\k yua dăh mă pơrăm kne# thoi noh, hơbo\ oei pơtoi kjung hloh hơnăn kơ dôm đak krong tôch hiong.