VOV4.Bahnar - Xơnăm 2021, pơrang j^ COVID-19 pơtoi pơrăm hlăm truh tơdrong pơtho ho\k pơhrăm kơ Anih jang Pơtho Pơhrăm lơ\m ja#p teh đak. Lơ bơngai pơtho, ho\k tro [ơm j^ COVID-19, dôm hnam trưng ho\k athei pơkăp pơvei, pơkăp oei tơklăh pơđ^ hăm bơngai pơtho, ho\k tro tơ\ hnam trưng... Hăm xơnong jang vei xơđơ\ng ho\k pơhrăm, đe thây kô, khul kơpal, ho\k tro dôm jăl jang, me\ [ă ho\k tro... hlôi adrin ưh kơ gleh lap vă tơplih erih hadoi hơbe\ch hơbal pơtho pơhrăm lơ\m khei năr pơrang j^ hơbuh, vă vei xơđơ\ng jơhngơ\m jăn. Tơdrong “tơplih vă pơm kiơ\ hadoi” lơ\m pơtho pơhrăm hlôi [ôh lơ tơdrong ưh kơ ‘lơ\ng, anih pơtho pơhrăm athei tơplih kiơ\ tơdrong kăl păng hơmet mă tro\ [lep hăm tơdrong đei [ôh, tơpôl atu\m jơhngơ\m tơgu\m keh đang xơnong kơ xơnăm ho\k păng vei xơđơ\ng ‘lơ\ng pơtho pơhrăm.

Jing xơnăm mă 2 anih jang pơtho pơhrăm lơ\m ‘măng pơrang j^ hơbuh mă 4 lang xă kơtang hloh pơtêng hăm xơnăm 2020. Lơ tơring athei pơm kiơ\ pơkăp oei tơklăh lơ\m tơpôl pơdui đunh, lơ hnam trưng ho\k đei io\k pơm anih oei tơklăh, hơmet ming j^. Dôm bơngai pơtho, đe ho\k tro [ơm j^ COVID-19… pơm hiơ\r jơhngơ\m đe ho\k tro păng me\ [ă. Mă lei hăm pơkăp ưh kơx^ kơyuơ pơrang j^ mă ho\k tro “ưh đei ho\k”, anih Pơtho Pơhrăm ja#p teh đak hlôi kơdih pơgơ\r pơtho pơhrăm hơbe\ch hơbal hăm lơ trong nhen: pơtho kơtă, trư\k tuye#n, ho\k kiơ\ pơdăh um lơ\m tivi, dăh mă pơtruh [ai ho\k tơ\ hnam. Mă kăl noh ja#p teh đak hlôi keh đang ‘măng mă 2 kơ ‘măng pơlong tôt ng^p tôt ng^p phôh tho\ng xơnăm 2021 păng pơtôch xơnăm ho\k 2020-2021 lơ\m tơdrong chơt hơ iă păng hiơ\r kơ đon đơ\ng kơ tr^u ho\k tro, me\ [ă ho\k tro lơ\m ja#p teh đak: Đe me\ [ă păng kon hơ ioh duh adoi pơngơ\t kơ đon kơlih mă tơpă lơ\m khei năr truh đe kon ưh đei ho\k pơhrăm kơtă, mă lei đe kon duh juăt jăi bơih, duh kơdih adrin ho\k pơhrăm. Me\ [ă noh athei tơre\k truh đe kon, athei hơlen kơjăp hăm đe kon hloh.

Yak ăh xơnăm ho\k 2021-2022, tơdrong jang kơ anih Pơtho Pơhrăm, jơnu\m pơgơ\r tơring pơtoi đei che\p vei, vă vei xơđơ\ng tơdrong ‘lơ\ng pơtho pơhrăm hloh. Tie#n sih Vũ Thu Hương, juăt hơlen jang pơtho pơhrăm xơkơ\t:

Dôm tơring mă ho\k online noh tơdrong ho\k hlôi hơbe\ch hơbal lơ tơdrong. Mưh nhen xơnăm xơ\ noh bơ\n nhen le\ hơmet ming păng kơdâu kiơ\ khei năr pơkăp kơ xơnăm ho\k. Xơnăm âu rim tơdrong hlôi đei hơbe\ch hơmet ming, đơ\ng pơkăp mơ\t xơnăm ho\k ‘nao, pơkăp ho\k pơhrăm, pơkăp chă hơlen xơkơ\t duh nhen dôm tơdrong jang kơ xơnăm ho\k adoi đei dôm hnam trưng tơle\ch jang tơnăp păng tro\ [lep. Minh [ar tơring đei dôm trong hiôk noh đe xư duh hơbe\ch tơle\ch ăn kon hơ ioh năm ho\k kơtă tơ\ hnam trưng, ưh đei kơdâu kiơ\ dôm tơdrong pơkăp kơ xơnăm ho\k atu\m kơ ja#p teh đak, mă pơm kiơ\ tơdrong ke\ đei kơ tơring po.

Vă pơtoi gơh pơtho ho\k pơhrăm lơ\m khei năr pơrang j^ COVID-19 hơbuh hli, anih Pơtho Pơhrăm hlôi đei dôm trong pơkăp jang tro\ [lep găh kăt tơjur tơdrong ho\k, pơtho pơhrăm kiơ\ pơkăp hơbe\ch hơbal păng lơ\m pơgơ\r pơlong tôt ng^p trung ho\k phôh tho\ng... Kiơ\ đơ\ng noh, rim tơring adoi pơkăp kơdih tơdrong pơtho ăn ho\k tro kiơ\ rim jăl ho\k, pơm kiơ\ tơdrong kăl kơ đe ho\k tro tơ\ tơring xơđơ\ng păng ho\k tro [ơm F0, dăh mă to\k bo\k oei pơm kiơ\ pơkăp oei tơklăh. Tơ\ lăm ho\k âu, dôm ho\k tro ho\k trư\k tuye#n gô đei tơroh hăm lăm ho\k to\k bo\k đei pơgơ\r kơtă tơ\ hnam trưng cho# pơdjoi hăm camera đei hơmet tơ\ lăm ho\k. Yă Huỳnh Thị Hòa Bình, Kơdră Hnam trưng THPT Lạng Giang kơso# 1 ăn tơbăt:  Nhôn pơkăp hăm rim jăl lăm ho\k gô đei minh lăm ho\k tơroh hăm Microsoft Team păng pơtruh đường link jơ ho\k noh ăn ho\k tro tơ\ hnam. Mă kăl lăm ho\k atu\m mă hnam trưng pơgơ\r noh ho\k tro đei ho\k kơtă dăh mă ho\k tro ho\k trư\k tuye#n adoi gơh pơma dơnuh hăm bơngai pơtho. Đe oh ho\k kiơ\ phân mêm Microsoft Team noh pơma dơnuh hăm bơngai pơtho kiơ\ kơmăi t^nh, đe oh nhen le\ duh đei ho\k nhen thoi jơ ho\k noh đe\ch. Lơ\m khei năr oei tơjră hăm pơrang j^ COVID-19 oei hơbuh hli noh jing minh trong jang đei jơnei kơjăp vă đe oh ưh đei kơplăh kơplơt tơdrong ho\k po.

Kiơ\ {o# trưởng Anih tơm Pơtho Pơhrăm Nguyễn Kim Sơn, tơjră hăm pơrang j^ lơ\m xơnăm 2021 ăn [ôh, tơdrong tơgăl kơ chơt hơ iă noh tơdrong dăp đon dăp bơnôh đơ\ng hloh 1 tr^u ‘nu bơngai pơtho, đe kang [o# kơpal. {ai ho\k pơhrăm noh kiơ\ pơkăp xo mă lei trong pơtho ho\k pơhrăm ‘nao, noh bơngai pơtho athei tơplih gơh rơgei, io\k yua lơ kơmăi kơmo\k kiơ\ cho# pơkăp internet vă pơtruh tơdrong hlôh vao ăn đe ho\k tro gơh tơnăp hloh.

Tơplih ‘nao, gơh rơgei vă tro\ hadoi hăm tơdrong đei [ôh, cho\ng mă lơ anih pơtho pơhrăm tam mă vei xơđơ\ng tơmam drăm vă pơtho pơhrăm kiơ\ trong ‘nao kơtă dăh mă pơkăp trư\k tuye#n. Lơ đe ho\k tro tơ\ tơring ataih, tơring tơnap tap tam mă đei kơmăi kơmo\k vă ho\k trư\k tuye#n. Tơdrong đei jơnei lơ\m pơtho ho\k pơhrăm kơ dôm tơring tam mă hơto\ kơyuơ io\k yua lơ trong pơkăp pơtho ho\k phara băl... Mă kăl, tơdrong mă ho\k tro hơnơ\ng tơplih trong pơtho ho\k kơtă păng ho\k trư\k tuye#n, dăh mă ho\k trư\k tuye#n pơdui đunh năr hlôi pơrăm truh đon bơnôh đe oh nhen: gleh lap, hiơ\r lơ\m đon, ưh đei pơma dơnuh kơtă păng tơklăh hloi hăm tơpôl.

Dôm tơdrong oei đei tam mă ‘lơ\ng lơ\m pơtho pơhrăm ăh xơnăm 2021 hlôi đei Khul Kơpal teh đak, Anih Pơtho Pơhrăm, tơpôl hlôi băt hơdăh păng to\k bo\k oei đei trong hơmet ming. Lơ\m noh pơm kiơ\ tơdrong jang “So\ng păng Kơmăi t^nh ăn oh”, dôm tơring hlôi hơvơn tơgop păng axong kơ hre\ng rơbâu kơmăi pơtho ho\k trư\k tuye#n păng sim 4G ưh kơ io\k jên internet ăn ho\k tro đei tơdrong erih tơnap tap, tam mă đei kơmăi vă ho\k trư\k tuye#n. {o# trưởng Anih tơm Pơtho Pơhrăm Nguyễn Kim Sơn ăn tơbăt, gô pơtoi đei dôm tơdrong hơmet, vă tơdrong pơtho ho\k pơhrăm lơ\m xơnăm 2022 đei jơnei tơnăp hloh: Kiơ\ [ar pêng ‘măng hơmet, pơm kơđeh tơdrong ho\k ăn [ôh hăm tơdrong pơtho ho\k duh kăl đei dôm tơdrong hơlen pơtoi, jo# hloi găh tơdrong chih ako\m, trong pơkăp pơtho, pơgơ\r pơtho duh jing ‘măng vă bơ\n hơlen lăng dơ\ng tơdrong jang vei hơlen pơm jang đơ\ng anih tơm truh tơ\ dôm hnam trưng ho\k, vă tơdrong jang vei pơgơ\r noh hơto\k hơbe\ch tơjră hăm rim tơdrong đei [ôh.

Pơm kiơ\ “hadoi hơbe\ch, xơđơ\ng” anih Pơtho Pơhrăm hlôi tơnăp pơm kiơ\ pơkăp đơ\ng Khul Kơpal teh đak noh jing vei xơđơ\ng xơnong gơh ho\k pơhrăm kơ tôm ho\k tro. Hăm pơkăp “tôm kơyuơ đe ho\k tro ‘mêm kơ eng”, hloh 1 tr^u ‘nu bơngai pơtho păng kang [o# vei lăng pơtho pơhrăm lơ\m ja#p teh đak to\k bo\k oei pơtoi găn hloh tơnap tap, vă tôm đe ho\k tro adoi đei ho\k pơhrăm [lep hăm tơdrong pơkăp, tơjur [iơ\ tơdrong ưh kơ ‘lơ\ng đơ\ng pơrang j^ COVID-19 hăm tơdrong ho\k pơhrăm kơ đe oh.

Lan chih păng pơre nơ\r