VOV4.Bahnar  – Đơ̆ng rŏng 2 năr bơ̆ jang, năr 14/7, 'măng hop akŏm mă 58 kơ Anih juăt jang ăn Kuôk hô̆i hop akŏm pơtôch. Kơdră Kuôk hô̆i Vương Đình Huệ xơkơ̆t: truh khei năr âu, tôm tơdrong hơmet ăn hop akŏm mă Mônh, Kuôk hô̆i jăl 15 hlôi keh đang păng kơchăng ăn 'năr pơtơm 20/07 âu kơnh. Kơdră Kuôk hô̆i Vương Đình Huệ bơnê kơ 'măng hop akŏm hlôi đei drơ̆ng nơ̆r tơnăp, mă hăt noh hăm dôm pơkăp jang 5 xơnăm hơtŏk mŭk drăm tơpôl, axong jang, pơkăp jên hu kơ teh đak, găh tơdrong tŏk iŏk kla hre, axong jang 5 xơnăm đơ̆ng 2021-2026. Duh nhen dôm tơdrong pơkăp jang kơ teh đak găh pơjing tơring pơxĕl 'nao păng tơjur hin dơnuh kơjăp xơđơ̆ng xơnăm 2021-2025. Găh hơmet ăn hop akŏm mă mônh kơ kuôk hô̆i, Kơdră Kuôk hô̆i Vương Đình Huệ tơrĕk, rim anih jang kơ Kuôk hô̆i jang hadoi kơjăp hăm Anih tơm Y tê̆, dôm anih jang kơpal kơ plei tơm Hà Nội hơmet ăn dôm tơdrong kăl vă tơjră trŏ ƀlep hăm pơrang jĭ Covid-19 hli vă vei xơđơ̆ng tơnăp ăn 'măng hop akŏm mă mônh, Kuôk hô̆i jăl 15.

Lan chih păng pơre nơ̆r