VOV4.Bahnar - Đơ̆ng rŏng 2 năr pơgơ̆r, kơsơ̆ năr 26/11, tơ̆ Hà Nội, Pơgơ̆r hop akŏm Khŭl mơlô̆h Việt Nam hŏk jrŭ lơ̆m plei tĕh ‘măng mă 4 hlôi pơtôch. Tơ̆ hop akŏm, rim bơngai mơlô̆h hŏk jrŭ hlôi vang chă pơma dơnŭh, tơlĕch dôm trong jang, trong tơgŭm djru atŏk kơtang tơdrong hlô̆h vao khŭl mơlô̆h Việt Nam hŏk jrŭ hơdrin iung jang kơtang hlŏh dơ̆ng, tơgop lơ̆m bơ̆ jang tơplĭh ‘nao, tơchăr hơgei kơ tĕh đak, pơjing đei tơƀô̆h trong vă Khŭl kơdră Tĕh đak păng rim hơnĭh bơ̆ jang hơvơ̆h khŭl mơlô̆h tơ iung pơjing dôm trong jang ‘lơ̆ng hơ iă ăn tơdrong atŏk tơ iung teh đak. Tơ̆ hop akŏm ‘măng mă au hlôi đei mơjĭt nơ̆r athei lơ̆m atŏk tơ iung khul bơ̆ jang ăn tơplĭh kơsô̆, kmăi kmŏk păng vei lăng lơ̆m tơdrong jang mŭk drăm kơsô̆ păng 2 tơdrong vă jang apĭnh jang vă tơgop jang kiơ̆ jơnei Tơdrong jang Tơplĭh kơsô̆ Tĕh đak đơ̆ng Khŭl kơdră Tĕh đak. Dôm nơ̆r tơgop đơ̆ng khŭl mơlô̆h hŏk jrŭ gô đei hơlen păng tơlĕch drơ̆ng mĭnh nơ̆r dôm nơ̆r athei, apĭnh hăm Đảng, tĕh đak găh tơdrong trŏ lăp hăm trong tơlĕch jang atŏk tơ iung kơ jăp ‘lơ̆ng Tĕh đak.

Tơblơ̆ nơ̆r: Amazưt