VOV4.Bahnar - Đơ̆ng rŏng 9 năr bơ̆ jang hơnơ̆ng, tĕnh koăng, kơsơ̆ năr 28/7, Kuô̆k hô̆i jăl XV hlôi pơgơ̆r pơtôch ‘măng hop akŏm mă blŭng. Iung pơma tơ̆ pơgơ̆r pơtôch hop akŏm, Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh: ‘Măng hop akŏm mă blŭng, Kuô̆k hô̆i jăl XV jing ‘măng hop akŏm đei lơ tơdrong gĭt kăl.

Pơgơ̆r pơtôch Hop akom ‘măng mă blŭng, Kuô̆k hô̆i jăl XV

Rim kơdră tang măt Kuô̆k hô̆i hlôi bơ̆ jang tơnăp, bơ̆ jang hloi lơ̆m jơ pơdơ̆h păng jang hloi lơ̆m rim năr pơdơ̆h, tơplĭh ‘nao, tơchăr hơ iă, tơgop lơ nơ̆r tơgop tơpăt, ‘lơ̆ng hơ iă, ƀlep tơdrong vă Kuô̆k hô̆i lăng hơlen pơdrơ̆ng kiơ̆ păng pơjing tơlĕch jang kiơ̆ 29 Tơdrong tơchơ̆t, lơ̆m au đei 17 Tơdrong tơchơ̆t găh hơnĭh bơ̆ jang păng khŭl kơdră jang, 11 tơdrong tơchơ̆t tơm, 1 Tơdrong tơchơ̆t atŭm găh ‘măng hop akŏm, tơtom xek tơlang keh đang rim tơdrong gĭt kăl ƀơ̆t măt, adoi tơchơ̆t rim tơdrong gĭt kăl, đunh đai, tơgop pơjing đei ‘măng hop akŏm jơnei lơ̆m lơ tơdrong, đei Kon pơlei păng bơngai tăh hla hôn bơnê, lăp đon.

Tơblơ̆ nơ̆r: Amazưt