VOV4.Bahnar  - Đơ\ng ro\ng 5 năr pơm jang hăt hot, ăh pơgê năr 18/12, Hop ako\m 'măng mă 14 {an cha#p hanh Trung ương jăl 12 hlôi hop ako\m pơtôch.

            Pơma ăh jơ pơtôch, [ok Tổng Bí thư, Kơdră teh đak bơ\n Nguyễn Phú Trọng xơkơ\t, Hop ako\m Trung ương 14 hlôi đei jơnei drơ\ng nơ\r hăm dôm tơdrong kăp g^t noh jing keh đang dôm hla bar chih pơkăp pơm jang, tơchơ\t pôk rơih Hop ako\m mă 13 kơ Đảng păng mă hăt noh drơ\ng nơ\r tơbang bơngai le\ch măt tơgar păng vang ako\m pôk rơih 'măng mă blu\ng lơ\m Anih tơm Ch^nh tr^, Jơnu\m jang [^ thư vă {an cha#p hanh hơlen lăng, tơchơ\t tơ\ Hop ako\m Trung ương 15 truh âu kơnh. Xơkơ\t Hop ako\m TW14 hlôi đei jơnei 'lơ\ng ro\ hăm lơ tơdrong kăp g^t hơmet ăn Hop ako\m 13 kơ Đảng, [ok Tổng Bí thư, Kơdră teh đak bơ\n ră hơdăh đơ\ng dang ei truh ăh Hop ako\m mă 13 pă đei đunh, lơ\m kơplăh noh oei đei lơ tơdrong kăp g^t athei jang, yuơ noh khul kơpal tơ\ Trung ương păng tôm bơngai năm Hop ako\m pơtoi jang tơnăp xơnong po păng pơgơ\r rim anih jang pơm kiơ\ tơnăp dôm xơnong jang đei pơjao, tơgop kăp g^t ăn Hop ako\m 'măng 13 kơ Đảng.

Lan chih păng rapor