VOV4.Bahnar – Kơsơ̆ năr 28/6, Khul kơpal tang măt ăn Kuôk hô̆i dêh char Đăk Lăk jăl 14 pơgơ̆r pơtôch tơdrong jang jăl xơnăm 2016 - 2021. Khul kơpal tang măt ăn Kuôk hô̆i jăl 14 kơ dêh char Đăk Lăk đei 9 'nu. Lơ̆m noh đei 4 'nu tang măt yuơ trung ương pơtruh, 5 'nu yuơ tơring pôk jang.

Đơ̆ng blŭng jăl jang truh dang ei, Khul kơpal tang măt ăn Kuôk hô̆i dêh char hlôi pơgơ̆r păng jang hadoi hăm dôm anih jang đei tơrĕk pơgơ̆r 20 tơdrong akŏm iŏk nơ̆r tơgop lơ̆m 56 tơdrong chih akŏm Khôi luơ̆t. Tơdrong akŏm pơma dơnuh hăm kon pơlei lơ̆m jăl jang đei Khul jang hơlen tơplih 'nao kăp gĭt. Khul jang hlôi pơgơ̆r đei 140 tơdrong akŏm pơma dơnuh hăm kon pơlei, hăm hloh 23.000 'nu kon pơlei tăh hla vang akŏm păng 2.950 nơ̆r tơgop pơtruh. Atŭm hăm noh, Khul kơpal tang măt ăn Kuôk hô̆i dêh char Đăk Lăk hlôi tơrĕk truh tơdrong jang pơyua ăn tơpôl, mă hăt noh hăm unh hnam mă teh đak tơchơ̆t tơgŭm, unh hnam đei kŏng hăm kăch mạng, unh hnam kon kông đei tơdrong erih tơnap tap tơ̆ tơring ataih yaih... Lơ̆m 5 xơnăm kơ âu, Khul kơpal tang măt ăn Kuôk hô̆i hlôi hăt hot hơvơn akŏm khul năm apong, ming man minh ƀar tơdrong kăl 'măn ăn tơdrong erih kon pơlei lơ̆m tơring kơ dêh char hăm kơsô̆ jên huach hloh 6 tih hlj.

Lan chih păng pơre nơ̆r