VOV4.Bahnar  – Pơgê năr 8/9, tơ̆ Hnam Kuôk hô̆i, pơgơ̆r Hop akŏm băt hơdăh, pơm kiơ̆ Tơdrong jang kơ Đảng đoan Kuôk hô̆i pơm kiơ̆ Tơchơ̆t Hop akŏm kơdră jang tang măt jâ̆p teh đak ‘măng mă 13 kơ Đảng păng Tơdrong jang kơ Đảng ủy kơ Anih jang Kuôk hô̆i pơm kiơ̆ Tơchơ̆t Hop akŏm kơdră jang tang măt jâ̆p teh đak ‘măng mă 13 kơ Đảng.

Bơngai jang lơ̆m Anih tơm Chĭnh trĭ, Phŏ Kơdră juăt jang kơ Kuôk hô̆i Trần Thanh Mẫn truh hop akŏm. Pơma ăh Hop akŏm, ƀok Trần Thanh Mẫn pơkăl pơtoi tơplih ‘nao tơdrong pơgơ̆r păng pơm jang kơ Kuôk hô̆i; tơplih ‘nao trong pơm jang, hơtŏk pơ ‘lơ̆ng, đei jơnei tơdrong jang, chĕp vei tơdrong rơngei, tơdrong kloh klĕch lơ̆m tơdrong pơm jang xơnong chih akŏm khôi luơ̆t pơkăp, tơchơ̆t dôm tơdrong kăp gĭt kơ teh đak. Rim Grŭp đảng, dôm jăl jang, tơlĕch xơnong jang vă pơm thoi yơ trŏ ƀlep hăm xơnong jang chĭnh trĭ păng tơdrong kĕ đei kơ rim anih jang đảng, anih jang hăm pơkăp chĭnh trĭ kơjung hloh, tơguăt tơguăl, gơh rơgei, yak hloh tơnap tap vă keh đang tơnăp xơnong jang đei pơjao.

Lan chih păng pơre nơ̆r