VOV4.Bahnar  – Pơgê năr 10/11, hlôi pơm lêh Hop akŏm khul Ƀô̆ trưởng Anih tơm linh dôm teh đak ASEAN (ADMM) kiơ̆ pơkăp trư̆k tuyê̆n hăm tơdrong vang akŏm đơ̆ng Ƀô̆ trưởng Anih tơm linh dôm teh đak ASEAN. Thiếu tướng Pê-hin Han-bi, Ƀô̆ trưởng mă 2 Anih tơm linh teh đak Brunei pơgơ̆r tơdrong hop akŏm. Tơ̆ hop akŏm, đơ̆ng rŏng kơ mơ̆ng bơngai tang măt ăn Brunei tơroi găh tơdrong jang hadoi jô̆ đơ̆ng Hop akŏm ADMM 'măng mă 15 păng Hop akŏm ADMM+ 'măng mă 8, rim Ƀô̆ trưởng pơma đam găh đon kơchĕng xơkơ̆t trong jang kơ ADMM ƀơ̆t tơbăt 15 xơnăm ADMM. Pơma tơ̆ Hop akŏm, Đại tướng Phan Văn Giang, Ƀô̆ trưởng Anih tơm linh, Kơdră khul Việt Nam xơkơ̆t: Vei lăng xơđơ̆ng tơpôl, vei xơđơ̆ng tơ̆ tơring đak dơxĭ, vih vơ̆t hiôk hian kiơ̆ trong rơvơ̆ng plenh jing tơdrong pơyua kơ tôm teh đak lơ̆m kơpal teh, kơyuơ noh  ASEAN kăl xơkơ̆t đon kơchĕng po găh tơring Biển Đông.

Lan chih păng pơre nơ̆r