VOV4.Bahnar  – Pơgê năr 16/4, tơ̆ Anih jang kơpal kơ dêh char Gia Lai, Ƀan châ̆p hanh Đảng ƀô̆ dêh char jăl 16 hlôi pơgơ̆r Hop akŏm 'măng mă 3 (pơih xă) vă xơkơ̆t tơdrong jang ăh jăl 1, tơlĕch trong jang,x ơnong jang ăn jăl 2 xơnăm 2021. Hop akŏm 'măng mă âu oei akŏm nơ̆r tơgop ăn tơdrong chih akŏm Tơchơ̆t đơ̆ng Anih jang Kơpal dêh char găh “pơjing, hơtŏk pơ 'lơ̆ng khul jang kang ƀô̆ kơpal kơ dêh char Gia Lai đei đon bơnôh dơnưp, gơh rơgei, tơnăp hăm xơnong jang”. 'Nâu jing Tơdrong jang tơm mă mônh lơ̆m Tơchơ̆t Hop akŏm kơdră tang măt ăn Đảng ƀô̆ dêh char 'măng mă 16 (jăl jang 2020-2025). Pơma ăh jơ pơtơm akŏm, Ƀĭ thư anih jang kơpal kơ dêh char Hồ Văn Niên tơroi pơgia găh tơdrong đei jơnei păng xơkơ̆t minh ƀar tơdrong jang oei tơjruh; pơkăl dôm bơngai tang măt akŏm xơkơ̆t pơm hơdăh tơdrong tơm oei tơjruh noh; atŭm hăm noh băt hơdăh, tơlĕch lơ trong jang hơmet pơm kiơ̆ tơnăp hloh xơnong jang lơ̆m jăl 2, vei xơđơ̆ng jang đei jơnei hơtŏk mŭk drăm tơpôl kơ xơnăm 2021.

Lan chih păng pơre nơ\r