VOV4.Bahnar - To\k bo\k oei đei tơxu\l tơxa\l lơ\m tơbang găh kơso# bri păng hiong bri kơ dôm dêh char lơ\m tơring Tây Nguyên pơm ăn tơdrong jang tơroi tơbăt, pơkăp duh nhen tơdrong tơle\ch trong jang vă vei lăng bri ưh đei tro\ nhen tơpă păng ưh đei jơnei. Tơ\ hop ako\m “Hơto\k tơdrong jang vei lăng bri, pơklaih tơnap tap, hơto\k pơm jang găh bri kơ dôm dêh char Tây Nguyên” pơgơ\r ăh gie\ng âu ki tơ\ dêh char Đăk Lăk, {o# trưởng Anih tơm Choh jang xa păng Hơto\k tơring pơxe\l Nguyễn Xuân Cường atu\m hăm lơ bơngai tang măt kơpal vang năm hop ako\m hlôi tơhlâu hăm tơdrong âu păng pơkăl athei chih ako\m hơlen vă kơso# ako\m hơdăh hloh ‘măn ăn dôm tơdrong pơkăp jang găh bri tơ\ tơring Tây Nguyên lơ\m khei năr truh.

Kiơ\ tơdrong hơlen găh jang bri xơnăm 2019 đơ\ng Anih tơm Choh jang păng Hơto\k tơring pơxe\l, hơko\p hơgăt teh đei bri kơ dôm dêh char Tây Nguyên noh pơhlom 2,6 triu ha, đei 17,5% hơgăt teh bri kơ ja#p teh đak, kơso# bri to\k giơ\ng je# 46%.

Tơdrong pơxuơ\k pơxuơ\l găh kơso# chih ako\m găh bri păng hiong bri đei tơ[ôh adrol hloh noh kơtă lơ\m tơbang đơ\ng Anih tơm Choh jang xa păng Hơto\k tơring pơxe\l [ơ\t tơroi ăh xơnăm 2019 hơgăt bri hon kơdih kơ tơring tơjur hloh 15.700 ha. Mă lei kơso# bri hiong kơ [ar dêh char noh Đăk Lăk 11.400 ha păng Đăk Nông je# 7.200ha hlôi hloh kơso# kơ tôm tơring.

{ok Trương Thanh Tùng, Pho\ Kơdră Anih vei lăng kon pơlei dêh char Đăk Nông tơblang găh kơso# bri hiong noh yuơ đơ\ng tơdrong chih ako\m tam mă tôm, ưh đei tơguăt hăm tơdrong đei [ôh lơ\m lơ xơnăm kơ âu, pơm ăn ăh chih ako\m noh hơko\p lơ dêh hnang: “Đăk Nông hiong pơhlom 7.000 ha mă lei yuơ ưh đei chih ako\m đơ\ng dôm xơnăm adrol âu ki, ưh kơs^ mă lơ\m minh xơnăm mă phă pơrăm krưp krenh thoi noh ôh.”

Duh hăm tơdrong chih ako\m ưh đei tôm đơ\ng lơ xơnăm, mă lei tơnap kơ băt hloh [ok Y Giang Gry Niê Knơng, Pho\ Kơdră Anih vei lăng kon pơlei dêh char Đăk Lăk noh tơroi găh minh tơdrong ‘mi kial pơm dêh char hiong hloh 7.000 ha bri hon kơdih: “Tơdrong tơm mă 3 noh yuơ đơ\ng ‘mi kial kơso# 12 xơnăm 2017, kiơ\ chih ako\m noh bri hiong tôch lơ. Mă kăl noh tơ\ dôm apu\ng M’Drak, Ea Kar, Krông Bông noh răm hloh 7.000 ha, đei pơhlom 68% hơgăt teh bri hon kơdih đei [ôh tơjur lơ\m tơring kơ dêh char Đăk Lăk.”

Vang năm hop ako\m, [ok Phạm Mạnh Cường, Kơdră Anih jang kơ Jơnu\m pơgơ\r teh đak tơbang kơso# hơdăh ăh bri tơ\ Tây Nguyên tơjur đơ\ng 51,9% xơnăm 2010 oei pă  45,9% xơnăm 2020, tơjur pơhlom 6%, hơto\ hăm pơhlom 462.000ha bri kơ tơring hlôi hiong. Chih io\k pơkăp kơso# 12 xơnăm 2011 đơ\ng Anih tơm Ch^nh tr^ hăm tơchơ\t bri to\k giơ\ng kơ Tây Nguyên athei đei 59% xơnăm 2020, pơtêng hăm tơpă mă [ok Cường tơbang noh tơchơ\t âu kơ Tây Nguyên to\k bo\k oei kơđeh hloh tơdrong kăl truh 13%. Mă lei âu jing pơtơm dôm kơso# chih răk lơ\m hla bar, mă tơpă noh, bri hiong hơbo\ oei lơ hloh: “ ‘Nâu jing kơso# mă bơ\n chih lơ\m hla bar. Mă lei, hơgăt bri hlôi tơplih jang tơdrong nai, mă hăt noh choh jang xa oei lơ hloh. Păng duh nhen tơdrong pơkăp jang tơplih bri hon kơdih, koh ‘long bri mă lei tam đei hla bar hơdăh. Noh tam mă tơroi truh tơdrong giơ\ng hăm ‘long bri roi năr roi tơjruh.”

Pơma xơkơ\t Hop ako\m, {o# trưởng Anih tơm Choh jang xa păng Hơto\k tơring pơxe\l Nguyễn Xuân Cường xơkơ\t, bri păng joh ayo\ păng dôm kơjă kăp g^t kơ tơring Tây Nguyên, đei tơdrong kăp g^t truh hăm pơđ^ tơring pơbăh to\k bo\k păng tơring tơmăn đak krong Cửu Long. Dôm tơdrong răm đơ\ng đak hơbông, to# pơđang tơ\ tơring Tây Nguyên duh nhen dôm tơring tơje# đei tơdrong tơm kăp g^t đơ\ng hiong bri. {o# trưởng duh tơroi akhan, dôm tơdrong mă âu gô roi năr roi jing kơne# hloh, pơrăm truh tơdrong erih pơm jang kơ tôm tơring mưh pơtoi le# hiong bri.

          {o# trưởng Nguyễn Xuân Cường duh xơkơ\t, dôm kơso# hơlen hơgăt teh bri păng hiong bri lơ\m dôm xơnăm âu ki đei lơ tơdrong pơngơ\t păng ưh đei hơdăh đơ\ng jăl pơgơ\r tơ\ tơring truh tơ\ trung ương. Tơdrong mă âu hlôi pơm ăn tơdrong pơkăp, tơroi păng tơle\ch trong jang vei lăng bri ưh đei tơnăp: “Rim jăl tơroi phara dih băl, mă tơpă noh io\k pơtơm đơ\ng tơdrong đei [ôh noh ưh kơ tro\ thoi noh. Pơkăp kiơ\ hơgăt âu đang kơ kơ noh 3 kơloăi bri thoi âu, păng tơplih đơ\ng jang mă âu vă jang mă nai, tơ\ tơring pơtruh ăn trung ương jing minh kơloăi kơso# chih thoi noh. Mưh bơ\n ưh đei lăng tơpăt, lin glang kơso# mă bơ\n chih io\k ưh đei hơdăh ôh. Păng thoi noh hơgăt teh bri pơkăp 3 kơloăi bri ưh đei hơdăh, ưh đei pơm trong ăn tơdrong jang vei lăng bri gơh tơnăp ôh.”

           Đơ\ng noh, {o# trưởng Nguyễn Xuân Cường pơkăl dôm dêh char Tây Nguyên kăl ako\m kơjăp ăn tơdrong jang vei lăng bri mă adrol hloh noh hơko\p hơlen vă đei dôm kơso# chih ako\m hơdăh. {o# trưởng duh pơkăl dôm dêh char kăl xơkơ\t hơdăh xơnong jang đơ\ng dôm jăl jang, jơnu\m pơgơ\r tơring mă le# đei hiong bri. Oei pă 5 khei dơ\ng noh pơtôch Tơdrong pơkăp jang hơto\k bri kơjăp xơđơ\ng xơnăm 2016-2020, dôm dêh char kăl hơlen vă keh đang 14 tơdrong pơkăp kiơ\ Tơchơ\t 886 đơ\ng Thủ tướng Teh đak. Kiơ\ đơ\ng noh, pơjing tơdrong jang ăn jăl ‘nao 2020-2030 hăm tơdrong pơkăl jang đei jơnei tơnăp.

Lan chih păng rapor