VOV4.Bahnar - Bình Phước jing dêh char đei hloh 260km trong xơlam teh hăm 3 dêh char noh: Tabong Khmum, Karatie và Mundulkiri kơ teh đak boăl Campuchia. Che\p răk tơdrong juăt joe tơguăt tơguăl, tơbôl mă lơ chăl mih ma kon xâu hlôi ako\m hơto\k, Bình Phước to\k bo\k pơtru\t kơtang jang atu\m tôm tơdrong hăm dôm tơring âu vă đei jơnei găh mu\k drăm, tơpôl păng vei xđơ\ng xơlam teh. Tơbôl jang atu\m đơ\ng Bình Phước hăm dôm dêh char xơlam teh kơ teh đak boăl Campuchia to\k bo\k ‘nhăk ăn tơdrong erih kon pơlei 2 teh đak ‘lơ\ng hơ iă hloh păng tơgop vei xđơ\ng xơlam teh tơring pơmơ\t pơnăh kơ teh đak.                      

Dôm năr Tết Nguyên đán Ất Mùi âu ki, tơdrong jang kơ khul linh vei xơlam teh tơ\ tơring ‘măng xơlam apu\ng plenh teh Hoa Lư, apu\ng Lộc Ninh, dêh char Bình Phước ưh kơ rơvơn, kơlih kxo# bngai păng tơmam drăm găn tơring xơlam âu ato\k lơ. Mă lei tơdrong jang noh adoi da [iơ\ kơ hrat hloh [ơ\t đei tơdrong vang jang tơnăp đơ\ng khul jang haih kuan, Kanh sát hơlen ‘măng xơlam, khul linh vei xơlam teh kơ teh đak boăl Campuchia. Tơdrong hơ iă noh kon pơlei erih rôk kiơ\ 2 păh xơlam teh hơnơ\ng tơguăt tơguăl păng kơchăng atu\m hăm khul [ô đo#i vei xơlam teh păng jơnu\m pơgơ\r tơring tơjră hăm khul pơm kne#. Tơdrong tơguăt tơguăl tơbôl đơ\ng kon pơlei tơ\ apu\ng Lộc Ninh kơ dêh char Bình Phước păng kon pơlei tơ\ apu\ng Sanuol, dêh char Karatie hlôi đei hơto\k lơ\m lơ xơnăm kơ âu păng tơdrong vei xđơ\ng tơpôl xơlam teh duh nhen vei xđơ\ng kơdih bơbu\ng hnam ‘mêm kơ eng kơ po. {ok Điểu Vem, bngai hdrung S’Tiêng oei tơ\ tơring 8B, xăh Lộc Hòa, apu\ng Lộc Ninh tơroi: Kon pơlei tơ\ tơring 8B nhôn hăm kon pơlei teh đak boăl Campuchia duh đei bngai pơm ‘nho\ng oh, đei kơtum kơto\ng ‘nho\ng oh. Ăh chă et pơx^t pơkong păng ‘năr Tết duh năm găh to apong pơchơt vă kơhret kjăp tơguăt tơguăl bôl boăl, tơjră khul pơm kne# phă pơrăm. Mưh đe ye\t băt tơdrong noh tơroi hloi ăn jơnu\m pơgơ\r tơring vă tang găn păng xek tơlang tơtom.

Anih linh vei hơlen ‘măng xơlam apu\ng plenh teh Hoa Lư tơ\ apu\ng Lộc Ninh, dêh char Bình Phước đei xơnong vei hơlen 8 jrăng pơkăp xơlam kơ teh đak tơje# hăm xăh Pithanu, apu\ng Sanuol, dêh char Karatie. Mă đei ‘măng xơlam apu\ng plenh teh Hoa Lư păng lơ jăl trong teh găn xơlam teh, mă lei gơnơm jang tơnăp tơdrong jang atu\m hăm khul linh vei xơlam teh kơ teh đak boăl Campuchia, atu\m hăm đon bơnôh kon pơlei, noh tơdrong vei xđơ\ng tơpôl teh đak đei vei kjăp, tơpôl tơ\ tơring adoi đei vei xđơ\ng hơnơ\ng. Vă kơhret kjăp hloh tơdrong tơguăt tơguăl, tơbôl đơ\ng khul linh vei xơlam teh kơ 2 păh, Khul linh vei xđơ\ng tơpôl ‘măng xơlam apu\ng plenh teh Hoa Lư ‘nao k^ pơkăp tơguăt hăm Anih linh 204- khul [o# đo#i vei xơlam teh Campuchia. Hăm tơdrong jang atu\m, atu\m ato\k tơ iung, khul linh vei xơlam teh kơ 2 păh hlôi tang găn lơ tơdrong kơdâu glăi găn xơlam teh, te\ch tơtông ôn tuy\ păng chơ tơmam ka#m găn ‘măng xơlam. Thượng tá Vũ Tuấn Anh, jang Ch^nh tr^ tơ\ anih linh vei xđơ\ng ‘măng xơlam teh apu\ng plenh teh Hoa Lư, dêh char Bình Phước ăn tơbăt: Nhôn hơnơ\ng pơtoi tơdrong pơma đam tơjra#m kiơ\ pơkăp. Mă 2 noh pơma đam găh tơpôl tơ\ 2 păh xơlam teh. Dôm anih linh hơvơn tơroi kăp g^t ăn kon pơlei erih tơ\ 2 păh tơring xơlam kơ teh đak pơm kiơ\ tơnăp kơluơ\t găh xơlam teh kơ rim teh đak păng pơkăp găh vei xđơ\ng tơpôl. Nhôn duh pơgơ\r kjăp dôm tơdrong ako\m pơdăh joh ayo\, tơplo\ng kơdâu, tơgu\m dih băl lơ\m tơdrong pơklaih tơnap tap găh tơdrong erih, kiơ\ đơ\ng noh hơto\k tơdrong hlôh vao păng lui ngeh hăm dih băl.

Tơbôl jang atu\m đơ\ng Bình Phước hăm dôm dêh char xơlam teh kơ teh đak Campuchia hlôi đei kang [o# linh păng kon pơlei 2 păh pơjing hăm đon bơnôh ‘mêm kơ eng păng dôm tơdrong jang kăp g^t. Rim khul jang nhen jơnu\m bngai jang mir, jơnu\m jang găh bngai drăkăn, khul Đoàn hơdruh tơdăm kơ dêh char Bình Phước hơnơ\ng năm apong, axong tơmam, ako\m joh ayo\, tơplo\ng kơdâu păng tơroi tơdrong hlôh vao lơ\m pơm jang ăn kon pơlei dôm dêh char xơlam teh kơ teh đak boăl Campuchia. Lơ um ru\p pơm jang kơ Bình Phước pơtho hlôi đei kon pơlei tơ\ dêh char Karatie io\k jang đei jơnei kjăp nhen: rong đà điểu, pơkra#m kơtăp ier, pơtăm tơm điều, pơtăm [um [lang đei yua lơ...

Khei năr truh, dêh char Bình Phước păng dôm dêh char tơje# kơ teh đak Campuchia gô pơtơm pơm ‘nho\ng oh tơ\ dôm tơring kon pơlei xơlam teh hăm dôm tơdrong jang hơdăh, vă tơgu\m kon pơlei 2 păh hơto\k hloh dơ\ng tơdrong hlôh vao dih băl, kơchăng tơgu\m dih băl lơ\m ato\k mu\k drăm. {ok Hoàng Nhật Tân, Pho\ kdră anih jang vei lăng kon pơlei apu\ng Lộc Ninh, dêh char Bình Phước ăn tơbăt: Đơ\ng ro\ng kơ Tết âu, nhôn gô k^ pơkăp jang atu\m đơ\ng minh tơring kon pơlei tơ\ Lộc Ninh hăm minh tơring kon pơlei găh xơlam teh hăm teh đak boăl Campuchia, đơ\ng ro\ng kơ noh gô jang tơ\ dôm xăh nai. Tơdrong mă âu noh bơ\n roi kơhret hloh dơ\ng tơdrong tơbôl đơ\ng kon pơlei kơ 2 teh đak. Hăm tơdrong juăt joe kơ 2 teh đak bơ\n noh tơguăt tơguăl tơbôl, bơ\n atu\m băl vang glơng tơnap tap lơ\m tơdrong tơblăh, truh ăh tơ iung pơjing teh đak, kon pơlei 2 păh atu\m băl pơm jang, duh jing atu\m băl ako\m joh ayo\ păng ato\k mu\k drăm đơ\ng dôm tơring kon pơlei rok 2 păh trong xơlam teh.

 Xơnăm âu ki, tơmam drăm te\ch tơle\ch găn ‘măng xơlam teh dêh char Bình Phước hăm dôm dêh char kơ teh đak Campuchia đei hloh 100 triu đôlar Mih. Dêh char Bình Phước duh hlôi tơgu\m dôm dêh char xơlam teh axong jang păng keh đang minh [ar tơdrong kăl nhen dăng tơlei unh hơyuh, man trong nơnăm nhen: bơ\ gơng Sông Măng tơ\ ‘măng xơlam Hoàng Diệu kơ dêh char Bình Phước păng ‘măng xơlam Laphakhê kơ dêh char Mundulkiri hăm kxo# jên axong jang 12 tih hlak jên; tơgu\m hơmet jăl trong đơ\ng ‘măng xơlam Tà Vát kơ dêh char Bình Phước hăm ‘măng xơlam Tôn Lê Chàm kơ dêh char Tabong Khmum truh jăl trong kxo# 7 găh  Campuchia hăm kxo# jên axong jang 4 tih 560 triu hlak jên; tơgu\m dăng trong tơlei unh hơyuh păng anih tơ[ăk tơjur unh hơyuh tơ\ ‘măng xơlam apu\ng plenh teh Hoa Lư truh apu\ng Sanoul, dêh char Karatie găh teh đak boăl Campuchia hăm kxo# jên axong 3 tih 900 triu hlak jên. Dang ei dêh char Bình Phước hlôi đei 4 anih jang axong năm jang tơ\ teh đak Campuchia hăm jên jang chih pơkăp hloh 148 triu đôlar Mih. {ok Nguyễn Tuấn, Kdră anih jang tơdrong jang teh đak đe kơ dêh char Bình Phước ăn tơbăt: Lơ\m xơnăm truh noh Bình Phước gô axong pơjing kơchơ juăt joe păng pơih xă jăl trong tơ\ ‘măng xơlam teh. Mă 2 noh nhôn gô hơlen, te\ch unh hơyuh ăn dôm dêh char tơje# hăm xơlam teh kơ teh đak Campuchia. ‘Ngoaih kơ noh nhôn duh pơtru\t kơtang tơdrong jang tơbôl hăm teh đak đe, mă kăl noh tơbôl hăm kon pơlei vă kơhret tơdrong tơguăt tơguăl, tơbôl hăm dôm dêh char tơje# xơlam teh roi năr roi ‘lơ\ng tơno\ hloh.

Đon bơnôh tơguăt tơguăl, tơbôl jang atu\m ato\k tơ iung đơ\ng Bình Phước hăm dôm dêh char xơlam teh kơ teh đak boăl Campuchia hlôi đei jơnei kjăp găh mu\k drăm tơpôl păng vei xđơ\ng tơpôl xơlam teh đak. Tơdrong jang atu\m, tơbôl noh duh tơgop ‘nhăk ăn kon pơlei tơ\ tơring xơlam găh pơmơ\t pơbăh kơ teh đak dôm pơyan puih mak ph^ tơno\ dơno\ ‘lơ\ng păng xơnêp xơnoa. (Lan chih tơblang nơ\r Bahnar)