VOV4.Bahnar - Anih pơtơm kơ tơdrong ming hơmet, pơih xă jăl trong Hồ Chí Minh găn Tây Nguyên (jăl mă 2) noh xăh Tân Cảnh, apu\ng Đắk Tô, dêh char  Kon Tum – tơring tơguăt hăm tơdrong đei jơnei Đắk Tô – Tân Cảnh đunh kơ âu hloh 40 xơnăm. Jăl trong hlôi đei rei kxu tơpăt mlơ\ng, găn gru kơnăl kơ cham gre păr Phượng Hoàng xơ\ păng bơbu\ng rông kjung ti ti ăh tong ane# pơgar kxu xă xeng to\k bo\k ăh pơyan bluh hla. Kơtă tơje# dôm jăl trong rei kxu, jăl trong Hồ Chí Minh găn Tây Nguyên noh jing anih mir đak lar xă. Hăm gre vih vơ\t ke\t keng chơ bngai vih tơ\ pơlei pơla xa Tết, kơ hre\ng ‘nu bngai jang tơ\ âu adoi oei tơguăt kjăp hăm anih ming man jăl trong Hồ Chí Minh, bngai jang hăt hot hăm đon bơnôh chơt hơ iă. ‘Nho\ng Nguyễn Hữu Thạnh - jang tơ\ Ko\ng ti Trường Long to\k bo\k oei man jăl trong găn Kon Tum tơroi:“Lơ\m dôm năr Tết ‘nho\ng oh jang tơ\ anih ming man vei xđơ\ng tơdrong tơchơ\t khei năr ming man. Ko\ng ti duh pơm trong hiôk vă chă axong tơmam xa, tơmam drăm kăl vă ‘nho\ng oh jang răh xơng răh puih mak tơ\ anih ming man. Ko\ng ti duh hơto\k jang 3 ka păng hơto\k jên hơpăh Tết ăn dôm bngai jang ko\ng nhơ\n nhen nhôn. Nhôn gô adrin kho\m mă jang keh đang vă dăh hrôih hloh ‘măn ăn kon pơlei vih vơ\t xđơ\ng”.

Pơm jang hăt hot mă lei duh oei chơt hơ iă, xo# xôn xơng puih mak tơ\ anih jang ming man, noh duh jing đon kơche\ng atu\m đơ\ng ‘nho\ng oh jang ming man jăl trong Hồ Chí Minh găn Tây Nguyên. ‘Nho\ng Nguyễn Thành Chung, pơlei tơ\ apu\ng Duy Tiên, dêh char Hà Nam jang ming man tơ\ jăl trong đơ\ng apu\ng Đắk R’lấp, dêh char Đắk Nông truh tơ\ th^ xăh Đồng Xoài, dêh char Bình Phước tơroi: “Xơng tết chơt hơ iă atu\m tơ\ anih ming man mă băt hơdơ\r kơ hnam tơno\ mă lei nhôn duh kho\m mă vei xđơ\ng tơdrong pơkăp jang tơm kơ teh đak, tôm ‘nho\ng oh nhôn duh adrin dơh po. ‘Nho\ng oh pơm jang truh năr tơje# Tết hloi, kang [o# ko\ng ti duh pơm trong hiôk xơng tết, hơ iă pơyan puih mak atu\m tơ\ anih ming man, axong tôm tơdrong”

Hăm to# pơđang kơ pơyan phang Tây Nguyên, tơdrong ming man jăl trong Hồ Chí Minh roi hăt hot hloh dơ\ng [ơ\t dôm anih io\k ming man hlôi hơvơn tôm kmăi kmo\k păng bngai jang truh ako\m jang. Atu\m hăm tơdrong vih vơ\t đơ\ng gre chơ tơmoi, gre vih vơ\t ăh ‘năr tết noh đei tong gre lu, gre chơ tơmam păng lơ kơloăi kmăi kmo\k chu\t hla kơ brê hơnglo\ng dreng tơpăr tơ\ anih ming man. {ok Nguyễn Tất Tưởng - Kdră anih ming man trong kxo# 8 man trong Hồ Chí Minh găn xăh Cư K’Pô, apu\ng Krông Buk, dêh char Đắk Lắk hơnơ\ng đei măt tơ\ anih ming man ăn tơbăt: Tơdrong ming man âu hlôi yak hloh xkơ\t 150% tơdrong pơjao jang. Anih jang hlôi ako\m je# 100 to\ kmăi kmo\k, hloh 100 ‘nu bngai jang, pơđ^ khul kdră păng bngai jang xa Tết kơtă tơ\ anih ming man hloi: “Tôm khul jang kơ ko\ng ti păng ‘nho\ng oh jang tơ\ anih ming man adrin kho\m mă keh. Tơmam drăm, kmăi kmo\k hlôi ako\m tơ\ âu vă pơm jang [lep nhen xkơ\t, đei jơnei. Lơ\m tơdrong chơt hơ iă xơng puih mak, nhôn duh oei axong khul jang vă pơkeh lơ\m pơyan Tết, jang hơlen măng năr hloi, vei xđơ\ng pơm jang; mă lei duh vei xđơ\ng ăn tơdrong erih ‘nho\ng oh pơm jang”.

Hăm trong ataih hloh 663 km, jăl trong Hồ Chí Minh găn Tây Nguyên tơkuh hăm jăl trong tih 14, noh trong tơm pơtoi dôm tơring jang mu\k drăm kơ tơring To\k bo\k – Tây Nguyên păng tơring hle\ch pơbăh. Dôm xơnăm kơ âu, atu\m hăm dôm j^ rơbâu tih hlak jên te\ch trái phiếu teh đak, tơdrong axong jang tơm kơ teh đak âu hlôi hơvơn đei dôm anih axong jang pơm jang kiơ\ xkơ\t BOT. Truh dang ei, tôm jăl trong hlôi keh đang je# 250 km, hloh 380 km oei lăi duh đang pơhlom 75% tơdrong jang, pơm trong hiôk ăn tơdrong vih vơ\t, tơgop ato\k mu\k drăm tơpôl ăn dôm tơring đei trong găn ga. Yă Lê Thị Ngọc oei tơ\ thôn 6, xăh Đức Thành, apu\ng Đắk Rlấp, dêh char Đắk Nông tơroi: “Jăl trong tih 14 keh đang, kon pơlei nhôn chhôk kơ jơhngơ\m dêh. Lơ\m pơyan tết lơ gre chă vih vơ\t kiơ\ trong âu”.

Oei [ok Hoàng Ngọc Quy tơ\ thôn Hòa Lộc, xăh Ia Phang, apu\ng Chư Pưh, dêh char Gia Lai noh ăn tơbăt:"Tơdrong ming man jăl trong âu kon pơlei nhôn duh pơm kiơ\ hơ iă. ‘Meh vă tơdrong ming man dăh hrôih keh đang vă kon pơlei vih vơ\t hiôk hian hloh"

Đei Kuôk ho#i xkơ\t jing tơdrong ming man g^t kăl kơ teh đak, Thủ tướng teh đak hlôi pơgơ\r dôm anih jang tơm, anih jang đei tơre\k păng rim tơring pơtru\t tenh tơdrong ming man jăl trong Hồ Chí Minh găn Tây Nguyên. Mă g^t noh lơ\m xơnăm 2014 âu ki, Anih tơm jang găh trong nơnăm păng Jơnu\m vei hơlen tơdrong axong jang hlôi pơgơ\r jang kjăp, vă pơtru\t tenh tơdrong ming man. Yuơ noh, lơ\m dôm năr tơje# Tết nguyên đán, jơnu\m pơgơ\r Anih tơm jang găh trong nơnăm păng jơnu\m vei lăng tơdrong axong jang hlôi năm hơlen tơ\ ja#p jăl trong, hơvơn dôm anih jang ming man păng chă hơlêm pơma dơnuh hăm kơ hre\ng ‘nu bngai jang tơ\ anih ming man. {ok Phạm Quang Nghiêm - Kdră pơgơ\r ming man tơring Krông Buk – Buôn Ma Thuột lơ\m Jơnu\m pơgơ\r ming man jăl trong Hồ Chí Minh ăn tơbăt: “Tơdrong jang ming man noh prăt năr prăt măng hloi; kơ ‘nôh đ^ jơhngơ\m vă pơgenh man ăh pơyan phang. Truh Tết âm lịch âu noh man bê tông đei 70% vă kon pơlei xơng puih mak ‘nao, păng g^t kăl noh keh đang ăh năr 30/5. Nhôn athei pơgenh ăh pơyan phang âu, âu jing khei năr tơm vă xkơ\t tơdrong jơnei kơ ming man. {ơ\t tết nguyên đán âu nhôn duh oei axong tôm khul năm jang tôm năr”.

Atu\m hăm tơdrong hăt hot pơlong pơtru\t tenh tơdrong man jăl trong Hồ Chí Minh đơ\ng Kon Tum truh tơ\ Gia Lai dăh mă đơ\ng Hàm Rồng truh Đắk Lắk păng đơ\ng Chư Jút - Đắk Nông truh Đồng Xoài - Bình Phước,… tơ\ yơ duh hăt hot tenh kuăng. {ok Nguyễn Đình Dương - Kdră anih vei hơlen man trong kxo# 5, Kdră pơgơ\r man trong tơring Gia Lai – Krông Buk (Đắk  Lắk) lơ\m jơnu\m vei hơlen tơdrong ming man jăl trong Hồ Chí Minh xkơ\t, tơdrong ming man tenh, mă lei tơdrong kjăp noh đei pơkăp adrol: “Tơdrong ming man âu noh athei kiơ\ [lep tơchơ\t đơ\ng jơnu\m pơgơ\r anih tơm jang găh trong nơnăm noh 4 xơnăm pơtăl kơ 1 xơnăm nhen da hia. Nhôn băt hơdăh păng to\k bo\k oei pơgơ\r jang kiơ\ [lep xkơ\t tơle\ch jang. Đơ\ng dang ei nhôn ako\m bngai jang, bngai hơlen tơ\ anih ming man vă dăh tôm xek tơlang dôm tơdrong đei [ôh tam mă ‘lơ\ng kjăp lơ\m tơdrong man trong nơnăm âu”.

Io\k đơ\ng trong kxo# 14, jăl trong Hồ Chí Minh găn Tây Nguyên găn lơ đak glung đak krong, găn bri ‘long hơngo xă păng pơgar cà phê, kxu kơ dôm pơlei pơla; tơroh dôm tơring kơdra#m đơ\ng Kon Tum truh Pleiku, Buôn Ma Thuột, Gia Nghĩa…  Lơ\m dôm năr tết truh, puih mak vih, hăm kơdra#m bngai vih vơ\t ro\ng ‘ngir, dôm bngai man jăl trong Hồ Chí Minh duh oei hăt hot bơ\ jang hăm tơdrong pơgenh. Tong ane# teh bri Tây Nguyên ‘mi kial to# phang, lơ\m tơring teh gôh ba-zan, cà phê hlôi chôh pơkao [âu phu tơbu\k, pơkao ru\ng reng chôh dreng ang bang, pơyan puih mak tơring pơbăh hlôi vih truh, jăl trong Hồ Chí Minh găn Tây Nguyên pơtoi tơroh ja#p tơring tơrang kơ teh đak. (Lan tơblang păng pơre nơ\r)