VOV4.Bahnar - ‘Năr brei, 31/8, Quân đoàn 3 (Anih tơm vei lăng khul linh) pơm tơ̆ dêh char Gia Lai pơ gơ̆r năm jang chơ chuĕn vă jê̆ 60 tân tơ mam tơ gŭm ăn kon pơ lei tơ̆ tơ ring đei jĭ lơ̆m plt HCM.

Tơ mam vă tơ gŭm ăn tơ ring đei jĭ

Mă hơ dăh, lơ̆m vă jê̆ 60 tân tơ mam yoa kăl đơ̆ng Quân đoàn 3 đei hlŏh 20 tân phe, hlŏh 20 tân tơ mam yoa đei: Tơ mam xa, ‘nhĕm kơ hôp, đak tŏh, mi tôm, đak kho, ƀôt ngok păng vă jê̆ 19 tân ‘nhot, ƀum.

‘Nâu jĭ dôm tơ mam xa đei kăn ƀô̆, linh lơ̆m dôm khul linh găh Quân đoàn 3 vang tơ gop păng hơ tŏk tơ drong choh jang xa khei ‘năr âu ki. Đĭ đăng tơ mam yoa kăl âu đei 10 tong gre đơ̆ng Quân đoàn 3 chơ ba păng pơ jao ăn Anih Mặt trận Tổ quốc apŭng Bình Chánh (plt HCM) vă tơ gŭm ăn kon pơ lei tang găn jĭ.

Dơ̆ng: Tơ blơ̆