VOV4.Bahnar - Kơ sơ̆ (31/8) tơ̆ Anih Rapor tĕh đak, 58 Quán sứ, Hà Nội, Radio nơ̆r pơ ma VN pơm lêh ăn khul kăn ƀô̆, bơ ngai chih tơ drong kơ tơ̆ng ang năm jang tơ gŭm tơ̆ dôm dêh char găh Pơ băh.

Khul kăn ƀô̆, bơ ngai chih tơ drong kơ tơ̆ng ang năm jang ‘măng âu đei 12 ‘nu, năm tơ̆ plt Hồ Chí Minh păng dôm dêh char găh Pơ băh yoa ƀok Phạm Mạnh Hùng, Phŏ Kơ dră chĕp kơ̆l Radio nơ̆r pơ ma VN chĕp kơ̆l khul. Khul đei tơ drong jang pơ gơ̆r hơ tŏk tơ drong tơ roi tơ băt găh tang găn jĭ Covid-19 păng 1,2 tơ drong kăl nai lơ̆m Radio nơ̆r pơ ma VN.

Lơ̆m jơ pơm lêh, dôm bơ ngai chih tơ drong kơ tơ̆ng ang đơ̆ng Radio nơ̆r pơ ma VN tơ ƀôh đon kơ chăng vang yak hơ doi hăm dôm khul tang găn jĭ hơ drol, adrin roi tơ băt găh tơ drong jĭ. Hơ pơi ‘mĕh đei lơ tơ drong tơ roi, ƀai chih kiơ̆ rim tơ drong đei tơ̆ yăn âu găh tơ drong jang tang găn jĭ đơ̆ng tĕh đak.

Dơ̆ng: Tơ blơ̆