VOV4.Bahnar - Jo# đơ\ng đei tơ iung pơjing ăh năr 1/2/1962, Rađiô rapor Giải phóng hlôi tơpă jing minh tơmam tơdru\t kăp g^t, hơ ‘nhăk nơ\r pơma đơ\ng Mặt trận tơblăh pơ rơngei tơring pơbăh Việt Nam păng Jơnu\m pơgơ\r kơplăh noh kơ tơring pơbăh Việt Nam truh hăm kon pơlei păng khul linh ja#p teh đak, truh hăm kon pơlei băt ‘mêm kơ tơdrong rơngei lơ\m kơpal teh, pơm ăn tơpôl apu\ng plenh teh hlôh vao hơdăh hloh găh tơdrong iung tơjră tro\ [lep đơ\ng tôm kon pơlei, tôm tơring pơbăh, kon pơlei ja#p teh đak Việt Nam. Đơ\ng ro\ng năr 14 xơnăm 7 khei pơm jang tơnap tap păng nuih mơng. Rađiô rapor Giải phóng hlôi keh đang xơnong jang kơ hnưr erih kơ po păng tơklăh hăm bơngai mơ\ng bro\ ăh kơmăng năr 31/8/1976. Hăm dôm tơdrong tơgop đơ\ng po, ăh tơbăt 73 xơnăm Cách mạng khei 8 păng Quốc khánh 2/9 păng 73 xơnăm tơ iung pơjing Rađiô nơ\r pơma Việt Nam, Rađiô rapor Giải Phóng chơt hơ iă đei io\k hơnăn, Gru\p kon pơlei pơm jang nuih mơng.

“ ‘Nâu nơ\r pơma Rađiô rapor Giải Phóng”, noh jing tơdra kơnăl, jing tơdrong pơ ư pơ ang đơ\ng dôm bơngai hlôi bơ\ jang tơ\ Rađiô rapor Giải Phóng. Tro\ ăh năr 01/02/1962, tơ\ tơring bri Mã Đà, lơ\m Kơdrăn tơblăh D, Rađiô rapor Giải phóng – anih jang kơ Mặt trận tơblăh rơngei kon pơlei tơring pơbăh Việt Nam (hơnăn xre\p noh CP 90) pơtơm rapor nơ\r pơma mă blu\ng truh hăm kon pơlei ja#p teh đak păng kơpal teh. Đei tơ iung pơjing lơ\m khei năr tơnap tap hrat hr^n, đơ\ng tơdrong adrin kơ ‘nôh đơ\ng khul jang tơ\ tơring păng kăp g^t noh đei tơdrong tơgu\m g^t kăl đơ\ng bơngai jang tơ\ Rađiô rapor Giải phóng A tơ\ tơring Tu (56 Quán Sứ, Hà Nội), lơ\m to\ xe\t khei năr, rađiô rapor 10 jơ minh năr hăm 5 nơ\r pơma noh nơ\r Việt, Phlăng, Anh, Hoa păng Khmer ‘măn ăn kon pơlei păng khul linh mơ\ng, pởê nơ\r găn tơring găh đe păng rapor truh lơ tơring lơ\m kơpal teh. ‘Nâu jing hơyak kăp g^t pơm gru kơnăl hơto\k tơ iung kơ hla bar tơroi Cách mạng tơ\ kơdrăn tơblăh tơring pơbăh.

Hăm đon bơnôh kơ minh ‘nu linh cách mạng, bơngai chih kơtơ\ng tơ\ Rađiô rapor Giải phóng hơnơ\ng bơ\ jang hăm đon bơnôh tơnăp, vei xơđơ\ng xre\p. Kơtơ\ng ang đơ\ng kơdrăn tơblăh pơtruh noh athei tơtom, tro\ [lep, tơroi tenh kuăng hloh, Rađiô rapor Giải phóng A păng B hlôi tơgu\m dih băl, pơjing minh tơdrong rapor pơre nơ\r Giải phóng, ăh pơre nơ\r noh ưh đei tơklăh mă yơ A, mă yơ B, tơguăt tơring Tu Pơbăh kơjăp tôch kơdêh. Kơtơ\ng ang đơ\ng kơdrăn tơblăh pơtruh kiơ\ đơ\ng bơngai jang tơroi tơbăt đei xre\p tôch tơnăp. Bơngai jang [ăo Trần Đức Nuôi, xơ\ chih kơtơ\ng ang, chih ako\m tơdrong tơroi tơ\ Rađiô rapor Giải Phóng ăn tơbăt:  “Tơchơ\t đơ\ng Rađiô rapor Giải phóng noh tơdrong tơpăt, pơm ăn apu\ng plenh teh hlôh vao kơ po. Jơhngơ\m pran đơ\ng tơroi tơbăt jing jơhngơ\m pran hơlêm jơhngơ\m [ơ\t tơroi Rađiô rapor Giải phóng, Đại tướng Võ Nguyên Giáp hlôi akhan “Rađiô rapor Giải phóng đei tơgop kăp g^t nhen minh sư đoàn linh pran kơtang vă pơjing tơdrong jơnei”. Oei kiơ\ xơkơ\t đơ\ng Pho\ kơdră xo xơ\ kơ teh đak bơ\n noh yă Nguyễn Thị Bình “Rađiô rapor Giải phóng” đei jơhngơ\m pran găh jang tơbôl, tơgu\m găh tơdrong pơma đam. Jơhngơ\m pran tih hloh noh pơm hơto\k đon bơnôh rim bơngai tam mă băt vao găh Việt Nam lơ\m kơpal teh, jo# hloi kon pơlei Mih”

Lơ\m đon băt đơ\ng rim bơngai hlôi bơ\ jang tơ\ Rađiô rapor Giải phóng, dôm tơdrong tơbăt găh Rađiô rapor, dôm tơdrong tơbăt kơ rađiô, găh dôm bơngai jang atu\m, găh dôm tơdrong tơnap tap, hli hlơt ưh kơ ke\ tơroi tôm. Bơngai jang [ăo Nguyễn Yến Tuyết vih hơdơ\r, đei rơneh tơ\ tơring Quảng Ngãi, unh hnam năm jang tơ\ tơring tu [ơ\t yă lăp ‘nao 5 xơnăm. Lơ\m khei năr erih păng ho\k pởhăm tơ\ Hà Nội, yă hơnơ\ng tơre\k kơ pơlei pơla, tơring oei pu\ [ôm ‘mra#m đơ\ng ayăt Mih pha pơrăm. Đơ\ng ro\ng kơ ho\k đang khoa Văn – Đăi ho\k Tổng hợp Hà Nội, xơnăm 1969, yă Yến Tuyết đei axong jang tơ\ CP 90, jang tơ\ lăm A1, (kơtơ\ng ang). Khei năr oei mơlôh, yă chă yak tơ\ lơ tơring, chih lơ [ai tơroi găh tơdrong erih kon pơlei, kơ rim bơngai linh j^ rơka. Xơnăm 1972, yă apinh năm jang tơ\ kơdrăn tơblăh tơring pơbăh, năm ako\m lêh pơdreo pơnă [ơ\r ‘nao oei klo. 3 khei năm jang tơ\ kơdrăn tơblăh jing khei năr hrat păng hli hlơt hloh, lơ ‘măng erih atu\m hăm lơ tơdrong lôch răm mă lei kơtơ\ng ang đơ\ng kơdrăn tơblăh duh đei pơtruh hơnơ\ng ăn Rađiô rapor kiơ\ khul jang kih thuơ\t. Yă Yến Tuyết tơroi: “Roi tơpă noh nhôn ưh đei kơche\ng truh tơdrong lôch răm, kơlih hlôi năm jang bơih noh lôch erih jing tơdrong [ôh rim kơ năr. Khei năr noh, ưh adro# pơtruh kơtơ\ng ang găh tơring pơbăh mă nhôn oei năm jang tơ\ lơ tơring dơ\ng. Đei ‘măng nhôn năm truh anih [ô đo#i oei, năm truh anih thây pơgang linh, tơjra#m linh j^ rơka tu\l đ^ 2 păh jơ\ng dăh mă ti, bơnat tôch dêh. Inh kơche\ng, kơlih kiơ đe plang tôch lơ thoi noh, mă ba oei tôm jơ\ng ti grăng pran noh ưh đei kiơ mă ưh gơh pơm jang”.

Hloh 14 xơnăm pơm jang, mă athei năm jang tơ\ lơ anih vă klenh hăm tơdrong phă pơrăm đơ\ng ayăt Mih, mă lei Rađiô Giải phóng hơnơ\ng vei xơđơ\ng tơdrong pơre nơ\r, tơtom tơroi pơtruh kơtơ\ng ang hơdăh kiơ\ [lep pơkăp đơ\ng Trung ương. Lơ\m lơ khei năr tơnap tap noh, 24 ‘nu jang găh tơroi tơbăt kơ Rađiô hlôi lôch plang tơ\ kơdrăn tơblăh. Truh năr 31/8/1976, Rađiô athei tơklăh, mă lei, noh ưh đei tôch, khul bơngai hlôi jang tơ\ Rađiô âu năm truh jang tơ\ rađiô kơ rim tơring păng trung ương, pơtoi che\p vei đon bơnôh kơ bơngai jang [ăo khul linh. Bơngai jang [ăo Nguyễn Thị Kim Cúc, xơ\ jang tơ\ kơdrăn A1 (găh Kơtơ\ng ang) Rađiô Giải phóng A tơroi, vơch kơ đon păng ư ang ăh đei băt, Rađiô Giải phóng đei pôk hơnăn Gru\p kon pơlei pơm jang nuih mơng: “Rađiô rapor Giải phóng hlôi keh đang xơnong jang hnưr erih kơ po đơ\ng xơnăm 1976 mă lei kơjă kăp g^t găh đon bơnôh duh nhen dôm tơdrong đei jơnei mă Rađiô rapor Giải phóng hlôi io\k đei lơ\m tơdrong tơblăh Mih do\ng teh đak đơ\ng kon pơlei oei ang bang ling lang truh dang ei. Nhôn pơ ư pơ ang găh dôm tơdrong mă nhôn hlôi jang đei lơ\m dôm xơnăm oei bơ\ jang tơ\ Rađiô Giải phóng. Dôm tơdrong tơgop, dôm tơdrong đei jơnei noh gô oei ang bang ling lang atu\m hăm tơdrong erih kơ teh đak vă xơkơ\t anih dơ\ng kơ Rađiô lơ\m tơdrong jang tơroi tơbăt ăn tơdrong tơblăh Mih do\ng teh đak”

Đại tướng Võ Nguyên Giáp hlôi xơkơ\t: “Rađiô rapor Giải phóng jing tơmam kăp g^t, hơnơ\ng tơgop hơlêm jơhngơ\m khul linh păng kon pơlei bơ\n tơ\ kơdrăn tơblăh; che\p vei đon bơnôh nuih mơng cách mạng, tơblăh hơbe\ch hơbal păng gơh rơgei, blăh tơpă khul ayăt Mih, io\k jơnei keh kong lơ\m tơdrong iung tơjră pơ rơngei kon pơlei păng rơngei teh đak, tơring Tu – Pơbăh jing minh hơgăt teh, minh hnam”. Dôm tơdrong plang mă khul linh jang [ăo tơroi tơbăt xơ\ ki oei hơnơ\ng đei kon xâu hrei âu [lo\k tơbăt păng ho\k pơhrăm. Đe ye\t jing dôm bơngai kon erih ling lang hăm tơdrong jang rapor pơre nơ\r Việt Nam păng tơdrong erih kơ hơdrung hơdre\ch. Ăh xơnăm ‘lo\ kră, đe ye\t duh oei che\p vei đon bơnôh juăt jue ‘lơ\ng ro\, pơdjoi đon bơnôh kăp g^t âu ăn kon xâu chăl đơ\ng ro\ng.

Lan chih păng rapor