VOV4.Bahnar – Tơ̆ dêh char Kon Tum, lơ̆m dôm năr kơ âu, đei 2 anih jang mŭk drăm hlôi pơgơ̆r răt phe păng ka tơgŭm kon pơlei lơ̆m dêh char đang kơ noh axong ăn kon pơlei tơ̆ tơring hơbuh pơrang jĭ COVID-19 tơ̆ plei tơm Hồ Chí Minh. 

          Ƀar anih jang mŭk drăm hlôi pơm jang tơdrong dơnưp âu noh Kŏng ti cổ phần Tấn Phát (dêh char  Kon Tum) păng Kŏng ti cổ phần axong jang Unh hơyuh Đại Trường Thành Holdings (plei tơm Hồ Chí Minh). Ƀar anih jang âu hlôi răt 50 tâ̆n phe păng 20 tâ̆n ka đơ̆ng kon pơlei xăh Đăk La, apŭng Đăk Hà, dêh char  Kon Tum đang kơ noh chơ pơtruh axong ăn kon pơlei tŏk bŏk pơm kiơ̆ pơkăp oei tơklăh vă tang găn păng tơjră pơrang jĭ COVID-19 tơ̆ tơring Bình Thạnh păng Quận 12, plei tơm Hồ Chí Minh. Tơdrong jang âu tơgŭm răt tĕch răt tơmam choh pơtăm, tơgŭm răh, hơlêm tơtom ăn kon pơlei tơ̆ tơring pơrang jĭ hơbuh hli.

Lan chih păng pơre nơ̆r